Nicole

Nicole zo un anv-badez gallek, hag a vez roet d'ar merc'hed er broioù gallek hag ivez en Alamagn .

Abaoe an XXvet kantved e vez kavet ivez hag e Stadoù-Unanet Amerika, deuet marteze dre levezon skinwel Kanada ha merc'hed Kebek.

Bez eo stumm gwregel an anv gallek Nicolas, par d'an anv brezhonek Nikolaz.

Adstummoù

• Nicolette, e galleg

E yezhoù all

• En italianeg e kaver Nicola evel anv-paotr, e kichen an anv Niccolò .
• Nicoletta eo an anv-plac'h.

Tud

Nicole de Lorraine

• Nicole de Blois , pe de Châtillon, pe d'Avaugour (1434-1479), kontez Pentevr, a voe prenet he gwirioù war dugelezh Breizh gant ar roue gall Loeiz XI
• Nicole de La Chesnaye, skrivagnerez c'hallek er XVvet kantved
• Nicole de Lorraine (1608-1657)

XXvet ha XXIañ kantved

Nicole, kanerez chileat

Nicole Kidman.

• Nicole Chollet (1914-2003), aktourez (c'hoariva, sinema ha skinwel) c'hall
• Nicole, anv-micher Denisse Lilian Laval Soza, kanerez chileat
• Nicole Garcia, aktourez c'hall
• Nicole Hohloch, kanerez alamanek anavezet ivez evel Nicole, gounezet ganti priz an Eurovision en 1982.
• Nicole Kidman, aktourez aostralian
• Nicole Scherzinger, kanerez stadunanat
• Nicole Vaidišová, c'hoarierez tennis tchek.

Nicole Vaidišová, c'hoarierez tennis tchek, er Medibank International e Sydney, Aostralia, e 2006.

Evel anv-tiegezh

Anavezet eo Nicole evel anv-tiegezh e Suis dreist-holl, ha kar eo d'an anv-tiegezh all Nicol, anavezet mat e Breizh.

• Gaston Nicole (XXvet kantved), kazetenner suis
• Léon Nicole (1887-1965), politikour suis
• Pierre Nicole (1625-1695), doueoniour gall

Lec'hioù

• Nicole zo ur gumun e departamant gall al Lot-et-Garonne, ha n'ouzer ket ar stumm okitanek.

Sonerezh

Nicole pladenn embannet e 1973 gant Hugues Aufray

Pennadoù kar

• Nicolette
• Aucassin et Nicolette
• Nicoletta