Impalaeriezh alaman

An Impalaeriezh alaman (1871-1918) ma weler ar rouantelezhioù a oa enni

Anton von Werner: Die Proklamation des Deutschen Kaiserreiches (18. Januar 1871) (dritte Fassung 1885), Friedrichsruh, Bismarck-Museum

An Impalaeriezh alaman (Deutsches Reich en alamaneg) a zo un impalaeriezh bet savet e 1871 ha divodet e 1918. Ar c'hentañ stad vroadel alaman eo. Graet e vez Eil Impalaeriezh anezhi a-wechoù abalamour d'an Impalaeriezh santel roman german a vije an hini gentañ.

Ur c'hengevredad e oa, savet diwar Kengevredad Alamagn an Hanternoz , enni 22 a rouantelezhioù, teir republik, un « douar impalaerel», Elsaß-Lothringen (Elzas-Loren), dindan un Impalaer alaman, Gwilherm Iañ, hag a oa roue Prus. Savet e voe d'an 18 a viz Genver 1871 pa voe embannet diskleriadur Gwilherm Iañ e kastell Versailhez e Bro-C'hall, goude faezhet an armeoù gall e-pad Brezel 1870-1871. Echuet e voe d'an 9 a viz Du 1918 pa zilezas Gwilherm II ar galloud war-lerc'h ar Brezel-bed kentañ, ha diskleriadur Republik Weimar.

Tiriad an Impalaeriezh alaman e 1914, a-raok ar brezel

Stadoù kengevredet

Banniel an Impalaeriezh alaman

Ardamezioù an Impalaeriezh alaman

Roll ar Stadoù a yae d'ober an impalaeriezh alaman :

• Rouantelezhioù: Rouantelezh Prusia, Bavaria, Rouantelezh Württemberg ha Rouantelezh Saks.
• Dugelezhioù-meur : Baden, Hessen, Mecklemburg-Schwerin, Mecklenburg-Strelitz, Oldenburg ha Saks-Weimar-Eisenach
• Dugelezhioù : Anhalt, Braunschweig, Saks-Altenburg, Saks-Coburg-Gotha ha Saks-Meiningen-Hildburghausen
• Priñselezhioù : Lippe-Detmold, Reuß -Greiz, Reuß-Schleiz, Schaumburg-Lippe, Schwarzburg-Rudolstadt, Schwarzburg-Sondernshausen, Waldeck-Pyrmont
• Kêrioù dieub : Bremen, Hamburg, Lübeck.
• hag ivez Elzas-Loren hag Impalaeriezh trevadennel Alamagn.

Porched Alamagn – Adkavit pennadoù ha rummadoù Wikipedia a denn da Alamagn.