Cotlliure

Eus Wikipedia
Mont da : merdeiñ, klask
Iliz Cotlliure

Cotlliure (Collioure e galleg) zo ur gêr hag ur gumun eus Katalonia an Norzh. Emañ e departamant gall ar Pyrénées-Orientales.

Emañ Cotlliure war an aod, sko ouzh kumunioù Argelers, Banyuls de la Marenda ha Portvendres.

Gwechall e oa ur gêriadenn pesketaerien ha gwinierien, ma veze graet kenwerzh ar gliziged hag ar gwin. Bremañ e vez darempredet gant kalz touristed. E Cotlliure ez eus bet meur a livour o chom : Henri Matisse, André Derain, Marc Chagall, Georges Braque, Pablo Picasso ha Salvador Dalí, da skouer, zo bet awenet gant an tiez, ar straedoù, an iliz...

Er vered emañ bezioù ar skrivagnerien Antonio Machado ha Patrick O'Brian.