Clarisse Agbégnénou
_2021.jpg)
| Reizh pe jener | plac'h  |
|---|---|
| Bro ar geodedouriezh | Togo, Frañs |
| Bro sport | Frañs |
| Anv e yezh-vamm an den | Clarisse Agbégnénou |
| Anv ganedigezh | Clarisse Bogdanna Agbegnenou |
| Anv-bihan | Clarisse |
| Anv-familh | Agbégnénou |
| Deiziad ganedigezh | 25 Her 1992 |
| Lec'h ganedigezh | Roazhon |
| Yezhoù komzet pe skrivet | galleg |
| Micher | judoka |
| Bet war ar studi e | HEC Pariz |
| Sport | Judo |
| Perzhiad e | judo at the 2016 Summer Olympics – women's 63 kg, judo at the 2020 Summer Olympics – women's 63 kg, judo at the 2020 Summer Olympics – mixed team event |
| Prizioù resevet | marc’heg an ordre national du Mérite, Champion des champions français de L'Équipe, Champion des champions français de L'Équipe, Marc'heg al Lejion a Enor |
Clarisse Agbégnénou, anvet ivez Gnougnou, pe ar Bulldozer, pe c’hoazh Clacla, a zo ganet d’ar 25 a viz Here 1992 e kêr Roazhon e Breizh. Ur judoka eo, gant ar vroadelezh d/togoat a-berzh he zud hag ar vroadelezh c’hall[1].
Buhez prevez[kemmañ | kemmañ ar vammenn]
Ur babig gant kudennoù kleñved[kemmañ | kemmañ ar vammenn]
Start tre eo bet penn-kentañ buhez Clarisse Agbégnénou peogwir he deus kroget he buhez gant meur a gudenn yec’hed. E gwirionez e oa ganet daou viz a-raok an termen gant he breur gevell anvet Aurélien. Abalamour da se eo bet lakaet e-barzh ur glouarell e-pad 4 sizhunvezh. Ouzhpenn se he doa ranket bezañ oberataet abalamour da droukstummadur ul lounezh 2 sizhun nemetken goude bezañ ganet[2]. Hag ouzhpenn da se c’hoazh e oa kouezhet e koma e-pad 7 devezh pa oa c’hoazh ur babig abalamour d’he c’hudennoù yec’hed. Abaoe ma oa babig, Clarisse Agbégnénou zo bet gwelet evel ur stourmerez ‘blam m’he deus digoret he daoulagad daoust ma lâre ar vedisined ne oa netra ken d’ober eviti "lâret o deus d’am zud : Ret eo dilugañ anezhi, luzhiet eo.”[3]
Bugaleaj[kemmañ | kemmañ ar vammenn]
Kresket he deus e-barzh kêr Gennevilliers e departamant an Hauts de Seine, e-barzh rannvro Ile de France, gant he 3 breur hag he zud anvet Victor ha Pauline Agbégnénou. D’an oad a 9 bloaz e oa bet degemeret e kleub an AMA ( Arzoù-emgann Asnières)[4] ha da 14 vloaz eo bet degemeret e « pol Frañs Orléans », ul lec'h evit an dud varrek n'o deus ket al live c'hoazh evit mont e-barzh an INSEP. Met ouzhpenn se, Clarisse zo ivez adjudant (penn rann pe skoazell ul letanant) e-barzh Archeriezh Vroadel Frañs
Mamm[kemmañ | kemmañ ar vammenn]
Hirie, gant he gwaz Thomas Grava, he d'eus ur bugel anvet Athéna, ganet d’ar 15 a viz Even 2022.
Judo[kemmañ | kemmañ ar vammenn]
Kroget he deus ar judo a-drugarez da startijenn he yaouankiz. E gwirionez he deus kroget da ober judo hep muioc'h a gred met just evit ober ur sport emgannañ, hag esaet he deus ar judo. Ur gwir c’halvidigezh eo bet eviti. Goude se eo bet degemeret er «pol Frañs Orléans» ha kroget he deus da c’hounit krogadoù, betek bezañ kampionez Europa ar yaouankizoù, beskampionez bro Frañs ar re dindan 57 kg e 2008 ha kampionez Frañs junior ar re dindan 63kg e 2009. Diwar se eo bet degemeret en INSEP e 2009. Ar memes bloavezh eo bet enskrivet e "judo kleub Escales Argenteuil" da 16 vloaz hanter. Goude se e c’hounezas Clarisse Agbégnénou he medalenn aour etrebroadel kentañ e kampionad Europa, e 2013, an hini gentañ eus un toullad mat.
Da gentañ er C'hoarioù Olimpek e 2016 e Rio de Janeiro. Eno eo bet beskampionez olimpek ha tapet he deus ar vedalenn arc'hant eus ar re dindan 63 kg. Goude se eo bet degemeret er Red Star Club (RSC) e Champigny-sur-Marne. Un nebeud mizioù war-lerc'h, d'ar 1añ a viz Gwengolo 2017, e oa bet gounezet ganti kampionad ar bed dindan 63 kg e Budapest.
E-pad Kampionad judo Europa 2018 e Tel-Aviv-Jaffa e oa aet ar maout ganti evit titl Europa ar re dindan 63 kg a-enep Slovenia, goude 7 minutenn c'hoari. Evit ar 3e gwech ar memes bloaz e kampionad ar bed Bakou he doa gounezet ar priz kentañ dindan 63 kg. Er bloaz-se he doa gounezet ur gevezadeg all ha dilennet eo bet Kampionez Kampionad a Skipalhoù e 2018.
D'an 28 a viz Eost 2019 e teuas Clarisse Agbégnénou da vezañ kampionez ar bed evit ar pevare gwech en Nippon Budokan goude un emgann 11 minutenn. Ouzhpenn se e teuas Clarisse da vezañ judoka muiañ titlet bro Frañs goude ar priz-se, a-raok Lucie Décosse, Gevrise Emane ha Brigitte Deydier.
Evit echuiñ, gounit a reas ur pempvet titl europat e kampionad Europa judo e 2020 e Prague, ha mont a reas ar maout ganti evit ar pempvet gwech d'an 9 a viz Mezheven 2021, e kampionad ar bed judo 2021 e Budapest.
Un titl eus ar re vrasañ diwezhañ a c’hounezas e C'hoarioù Olimpek Tokyo e 2020 e-lec'h ma c’hounezas ur wech ouzhpenn ar priz kentañ, hag e kampionad ar bed e Doha d'an 10 a viz Mae 2023 e-lec'h ma c’hounezas he 6vet titl bedel. En holl, Clarisse Agbégnénou he deus gounezet 7 kampionad ar bed, hag ouzhpenn da se eo bet trec’h e 4 c'hampionad Europa.[5]
Prizioù[kemmañ | kemmañ ar vammenn]
| 2012 | kampionad Europa | 3vet | dindan 63kg |
|---|---|---|---|
| 2013 | kampionad Europa | 1an | dindan 63kg |
| 2013 | kampionad ar bed | 2vet | dindan 63kg |
| 2014 | kampionad Europa | 1an | dindan 63kg |
| 2014 | kampionad ar bed | 1an | dindan 63kg |
| 2015 | kampionad ar bed | 2vet | dindan 63kg |
| 2016 | c'hoarioù olimpek | 2vet | dindan 63kg |
| 2017 | kampionad ar bed | 1an | dindan 63kg |
| 2018 | kampionad ar bed | 1an | dindan 63kg |
| 2018 | kampionad Europa | 1an | dindan 63kg |
| 2019 | kampionad ar bed | 1an | dindan 63kg |
| 2020 | kampionad Europa | 1an | dindan 63kg |
| 2021 | kampionad ar bed | 1an | dindan 63kg |
| 2021 | c'hoarioù olimpek | 1an | dindan 63kg |
| 2023 | kampionad ar bed | 1an | dindan 63kg |
Notennoù ha daveennoù[kemmañ | kemmañ ar vammenn]
- ↑ Clarisse Agbegnenou : prématurée, gendarme... Qui est la championne olympique ? L'Internaute, 27 a viz Gouere 2021.
- ↑ Clarisse Agbegnenou : prématurée, gendarme... Qui est la championne olympique ? L'internaute, 27 a viz Gouere 2021.
- ↑ Clarisse Agbehnenou a frôlé la mort dès sa naissance, Eurosport, 19 a viz Gwengolo 2021.
- ↑ Tout ce qu'il faut savoir sur Clarisse Agbegnenou, Blaque.
- ↑ Judo : victorieuse du Grand Slam de Paris, Clarisse Agbégnénou « tape du poing sur la table » à six mois des Jeux, Le Monde, 3 a aviz C'hwevrer 2024.