Chapel Pontouar

Ilizoù Breizh
Chapel Pontouar
Ar chapel
Relijion	Katoligiezh
Statud
Parrez	Tregourez
Kumun	Tregourez
Saverezh	XVIvet kantved
Stil	Gotek

Chapel Pontouar zo lec'hiet e kumun Tregourez, e Kerne, e departamant Penn-ar-Bed.

Istor

Chapel Pontouar, savet er XVI^vet kantved, a oa gouestlet er penn-kentañ da sant Gwezenneg, deuet eus Kembre e fin ar V^vet kantved. Hervez ar vojenn e teue ar voraerien da bardonañ d'ar chapel da drugarekaat ar sant evit bezañ saveteet ur vag hag he bourzhiad ganti a-gevret gant e vreur gevell Jagu e-kerzh ur barr-avel. Abaoe ar XVII^vet kantved ez eo gouestlet ar chapel da Itron Varia Pontouar.

Arkitektouriezh

Ur savadur e stumm ur groaz latin eo.

An diavaez

Bez' ez eus un tourig gant ur gorzenn war ar pignon kornôgel, ha diri war ar skoaz.

Ar feunteun

Ar feunteun en ardraoñ, hag a zo moarvat eus ar memes maread, a voe distaget diouzh ar chapel gant digoradur an hent a gas da Gemper e 1893. An feunteunig volzek-mañ, brudet he dour evit pareañ poanioù-skouarn sañset, a oa ur skeudenn eus sant Gwezenneg enni.

Ar c'halvar

Ar c'halvar zo eus ar XVI^vet kantved.

An diabarzh

An nev

Er chapel ez eus un nev gant pevar zreuziad, dispartiet diouzh ur chantele, eeun e penn-chantele gant prenestraj e furm flourdiliz, gant ur volz.

Ar chantele

Delwenn

Ar chapel a zalc'h un delwenn eus sant Gwezenneg a voe kizellet e 1563, ha delwennoù eus sant Roc'h, santez Anna hag ar Werc'hez, sant Maur, sant Maurice, ha delwenn gaer meurbet Itron Varia Pontouar.

Azeulerezh, lidoù hag abadennoù

Ar pardon

Lidet e vez da Sul kentañ miz Eost.

Notennoù

Porched Breizh – Adkavit pennadoù ha rummadoù Wikipedia a denn da Vreizh.