Brudañ ha skignañ

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Brudañ ha Skignañ a oa ur gevredigezh krouet er bloavezhioù 1960 evit dasparzhañ titouroù diwar-benn Breizh. Adal ar bloavezhioù 2010 e pled gant ar c'heleier brezhonek war ar gwagennoù. E 2023 en deus bodet pemp skingomz brezhonek pe divyezhek brezhoneg-galleg dindan ar merk Radio Breizh, ul lec'hienn Internet, radiobreizh.bzh, bouetaet gant pep hini anezho.

Brudañ ha Skignañ, ajañs kehentiñ an Emsav en e vod kentañ

Krouet e voe ar c'hevarzhe Brudañ ha Skignañ e Roazhon e-barzh ostel prevez ar gontez Rohan-Chabot, e-lec'h ma oa ur greizenn bolitikel ha sevenadurel breizhek. Eno e veze moullet dafaroù evit ar stourm emsavel. Deskrivet eo bet an disoc'hoù e-barzh Al Liamm, niv. 101, Du-Kerzu 1963 : Hag evit an daoulagad ? Enskrivadurioù brezhonek war dalbenn peder stal, war re ar C'helc'h Keltiek, ar C'helc'h Breton, ar Gevrenn. Levrioù brezhonek e peder stal da vihanañ. Traktoù ha skritelloù brezhonek pe zivyezhek da geñver Devezh ar Brezhoneg, beilhadegoù ar C'helc'h Sevenadurel, Pardon Sant Erwan, Oferenn ar Vrezhonegerien ha re all niverus a drugarez da « Brudañ ha skignañ ».

Brudañ ha Skignañ, servij dasparzhañ ar c'heleier evit ar skingomzoù brezhonek 

Er bloavezhioù 2000 eo deuet Brudañ ha Skignañ da vezañ kevread ar skingomzoù brezhonek evit sevel produadur efedus ha micherel ar c'heleier e brezhoneg. Ennañ eo bet bodet ar skingomzoù brezhonek pe divyezhek e Breizh.
Div skingomz vrezhonek :

• Arvorig FM
• Radio Kerne ha Radio Naoned meret asambles gant ur c'hevarzhe Radio Kerne Naoned

Div skingomz divyezhek brezhoneg-galleg :

• Radio Bro Gwened
• Radio Kreiz Breizh

Ur skingomz galleg-gallaoueg :

•  Plum FM

An darn-vuiañ eus obererezh Brudañ ha Skignañ eo pourveziñ d'ar skingomzoù kevreet abadennoù kelaouiñ ha podkastoù kelaouiñ dindan ar merk Keleier ar Vro. E 2023 e veze gopret 5 kelaouenner

E-doug emvod-meur ar c'hevarzhe e Karaez (19 a viz Gwengolo 2020) e voe divizet sevel ur raktres evit skingas dre ar skingomz niverel douarel (RND) e Breizh. Ur c'henurzhier skridaozerezh (Erwan Blanchard) ha 4 c'helaouenner e veze gopret d'ar mare-se.
D'an 14 a viz Here 2023 eo bet dalc'het e Plañvour emvod-meur Brudañ ha Skignañ m'eo bet lakaet Alan Kloareg da brezidant. Divizet ez eus bet ober gant ar merk Radio Breizh a vezo al label ma vez produet keleier brezhonek dre skingomz dindannañ.

Liamm diavaez

• (br) (go) (fr) (en) Lec'hienn Radio Breizh

Levrlennadur

• Les radios en langue bretonne veulent être au rendez-vous de la radio numérique terrestre. E-barzh Ouest-France, 20 Gwengolo 2020.
•  Les radios en breton unies pour diffuser la langue. E-barzh Ouest-France, 14 Here 2003.
•  Victoria Geffard, Ils veulent créer Radio Breizh, une nouvelle station indépendante 100 % en langue bretonne. E-barzh Ouest-France, 19 Kerzu 2023.
• Un emgav gant Anne-Sophie Brats. E-barzh Ya!, niv. 982,2 Ebrel 2024. Kenurzhierez velestradurel Brudañ ha Skignañ.

 Lec'hienn RadioBreizh 

Porched ar radioioù e yezhoù Breizh : https://radiobreizh.bzh. Drezañ e c'heller selaou ar skingomzoù kevreet ha sellout ouzh o frogramoù.