Banglaeg

Banglaeg; (Bāṇlā, বাংলা)
	; Ar banglaeg en India
Perzhioù
Komzet e :	Bangladesh, India
Rannved :	Kornôg Bengal, Tripoura
Komzet gant :	207 000 000
Renkadur :	4
Familh-yezh :	Yezhoù Indezeuropek; Yezhoù Indez-Iranek; Yezhoù Indez-Aryek; Banglaeg-Asameg; Banglaeg
Statud ofisiel
Yezh ofisiel e :	Bangladesh, India (Kornôg Bengal, Tripoura)
Akademiezh :	Paschimbanga Bangla Academy
Kodoù ar yezh
ISO 639-1	bn
ISO 639-2	ben
ISO 639-3
Kod SIL	BEN
	Sellit ivez ouzh ar pennad Yezh.

Ur yezh indez-aryek eo ar banglaeg pe bengaleg (বাংলা er yezh-se end-eeun, distaget [ˈbaŋla]) genidik eus Bengal, rannet etre Bangladesh ha Kornôg Bengal India. An eil yezh muiañ komzet en India an hini eo war-lerc'h an hindeg.

Kavet e vez ivez banglaegerion e Asam ha Tripura hag ivez e-touez an envroidi er bed a-bezh. Komzet e vez en holl gant ouzhpenn 200 millon a dud evel yezh kentañ ha pevar pe pemvet yezh muiañ komzet er bed an hini eo. [1].

Unan eus yezhoù ofisiel India ha yezh ofisiel Bangladesh eo ar banglaeg.

Tost-tre eo ar banglaeg unvan d'an asameg ha d'an oriyeg.

Skrivet e vez ar banglaeg gant un abugida ispsial, ar skritur banglaek.

Meur a doare-yezh banglaek ez eus, hervez al lec'h ma vez komzet ha live ar yezh:

Rannyezhoù lec'hel:

Rannyezh ar c'hornôg pochtchimeg (poshchim)
Rannyezh ar reter pourbeg (purbo)

Liveoù yezh:

yezh dre gomz, tcholtibacheg (choltibhasha)
yezh skrid, chadubacheg (shadhubhasha).

Ul lennegezh puilh zo e banglaeg, abaoe mare an Azginivelezh vanglaek, en XIX^vet kantved. Un elfenn greñv eo bet evit harpañ ar vrogarouriezh en div lodenn eus Bengal. E Reter Bengal, a oa ul lodenn eus Pakistan etre 1947 ha 1971, e voe un elfenn greñv a vroadelouriezh. E miz C'hwevrer 1952 e voe lazhet gant an arme meur a zen a oa o vanifestiñ evit lakaat ar banglaeg da yezh ofisiel. Abaoe an amzer-se eo bet lakaet an 21 a viz C'hwevrer da zevezh gouel evit lidañ Emsav ar Bengaleg. Hag abaoe 1999 eo bet lakaet da Zevezh Etrebroadel ar Yezh Vamm, gant UNESCO.

Gwelet ivez

Liammoù diavaez: