Baglan

Eus Wikipedia
Mont da : merdeiñ, klask

Baglan zo anv ur manac'h ha sant brezhon a voe desket, evel kalz a sent eus e amzer, e manati Llanilltud[1] , e kreisteiz Kembre, war-dro ar VIvet kantved.

Lavaret e vez, hep prouenn a gement-se, e oa mab da Ithel Hael, ur priñs brezhon eus an tolead, hag e kuitaas e vanati da vont betek traonienn Nedd. Eno e savas iliz Baglan tra m'edo o vevañ en ul loch e-kichenik.

Mojenn[kemmañ | kemmañ ar vammenn]

Hervez ar vojenn e oa bet gwelet (gant Cadoc pe Illtud) o tougen tan en e sae manac'h hep deviñ anezhi. Illtud neuze a roas dezhañ ur vazh-eskob hag a lavaras dezhañ mont da sevel un iliz da lec'h ma kavje ur wezenn ha teir frouezhenn enni.

Kavout a eure ur wezenn ma oa gouzer d'ar moc'h, un hed d'ar gwenan, hag un neizh d'ar brini. Koulskoude e kavas gwell ul lec'h plaenoc'h, a zo pe e-lec'h m'emañ iliz Santez Katell hiziv, pe tostoc'h c'hoazh d'ar bae. Pezh a save bemdez a veze pe diskaret bep noz, pe nijet kuit, pe kaset e-harz ar wezenn. Ken skuizh e oa aet a-benn ar fin ma savas e iliz tost d'ar wezenn. Marteze e voe savet un iliz nevez all eno er Grennamzer, evel a c'hoarvezas alies, en enor da Sant Baglan, ha honnezh marteze eo an hini a voe devet e 1954, ha ne chom nemet rivinoù anezhi. A-hervez e voe miret ar vazh-eskob betek ar XVIIvet kantved.

Baglan all[kemmañ | kemmañ ar vammenn]

Ur Baglan all zo anavezet: er VIIvet kantved e voe savet Llanfaglan nepell diouzh Caernarfon, en hanternoz ar vro, e Gwynedd, gant ur sant all, Baglan ap Dingad,

Pennadoù kar[kemmañ | kemmañ ar vammenn]

Orin ar pennad[kemmañ | kemmañ ar vammenn]

Troet diwar bennad ar wikipedia saoznek.

Notennoù[kemmañ | kemmañ ar vammenn]

  1. T D Breverton(2000), The Book of Welsh Saints, Glyndwr publishing, pp 67-68, ISBN 1-903529-01-8.


[1]

 
Y Ddraig Goch  Kêrioù ha kumunioù bwrdeistref sirol Castell-nedd Port Talbot

Aberafan  •  Aberdulais  •  Abergwynfi  •  Alltwen  •  Baglan  •  Banwen  •  Bedd y Cawr  •  Blaendulais  •  Blaen-gwrach  •  Blaengwynfi  •  Bryn  •  Castell-nedd  •  Cil-ffriw  •  Cilmaengwyn  •  Cilybebyll  •  Y Clun  •  Y Creunant  •  Cwmafan  •  Cwm-gors  •  Cwmllynfell  •  Cymer  •  Dyffryn Cellwen  •  Efail-fach  •  Glyncorrwg  •  Glyn-Nedd  •  Godre'r-graig  •  Gwaun-Cae-Gurwen  •  Llandarcy  •  Llangatwg  •  Llan-giwg  •  Llansawel  •  Margam  •  Melin-cwrt  •  Morfa Glas  •  Onllwyn  •  Pentreclwydau  •  Pontardawe  •  Pontrhydyfen  •  Port Talbot  •  Pwll-y-glaw  •  Resolfen  •  Rheola  •  Rhos  •  Rhyd-y-fro  •  Sgiwen  •  Tai-bach  •  Ton-mawr  •  Tonna  •  Trebannws  •  Ynysmeudwy  •  Ystalyfera

  1. Ensoc'hañ amañ testenn notenn traoñ pajenn