Arditi
| Deiziad krouiñ | Gouere 1917  |
|---|---|
| Lealded | tirlu Roueel Italia |
| Brezel | Brezel-bed kentañ |
| Stad | Rouantelezh Italia |
| Deiziad divodañ | Genver 1920 |
Arditi (eus an italianeg ardire, 'krediñ ober", ha troet evel "Ar re a gred ober") a oa an anv choazet gant nerzhioù ispisial Tirlu Roueel Italia e-kerzh ar C'hentañ Brezel-bed. Lakaet e vezont keñver ha keñver gant ar Sturmtruppen eus tirlu impalaerel alaman, ar c'hentañ bagadoù argadiñ modern, ha graet e veze "ar c'horfad doujetañ gant an armeoù enebour" anezho.
Reparti d'assalto ("unvezioù argadiñ") a oa bet savet en hañv 1917 gant ar c'horonal Bassi, ha roet e oa bet dezho ar roll strategel da vezañ soudarded arsailh, en ur freuzañ al linennoù-difenn enebour evit digeriñ un hent d'an droadeien standart. An Arditi ne oant ket unvezioù evel ar re all ha ne oant ket stag ouzh divizion troadegiezh ebet, met bez e oant tost ur skourr e unan eus al luioù.