Arar

• An Arar eo ivez anv kozh ar stêr Saône.

Arar goad implijet e Rossello en XX^vet kantved

An arar (erer el liester, diwar arare, arat, e latin) a zo ur benveg da labourat an douar, pe da arat, hag a anavezer abaoe ar bloavezhioù 3000 (IV^vet milved kent JK) e Mezopotamia.

Staget e veze ul loen outi, sachet e veze gantañ, ha drailhet gorre an douar. Hiziv e lavarer ne veze ket digoret don a-walc'h an douar, pa ne veze graet nemet kignat anezhañ. Da gentañ ne oa nemet un tamm koad en he fezh, goude eo betek pemp tamm a yae d'ober anezhi.

An anv

Arar pe alar a vez implijet, hag ivez alaer.

Daou venveg

Arat gant an arar sachet gant ur gazeg.

Un arar goad sachet gant daou yak e Tibet. E gwirionez ez eus daou venveg dindan an hevelep anv.

An arar goad

(Foto: Nathan Freitas)

Honnezh eo ar benveg kozh implijet e Breizh betek dibenn an eil brezel bed e tachennoù zo.

An arar houarn pe dir

Honnezh eo ar benveg a vez graet "brabant", "klev houarn" (pe "klevioù") (er vro vigoudenn), "daoubenneg" (e-kichen Douarnenez), anezhi ivez.

Ar penn a-raok a vez graet ar c'hilhoroù anezhañ.

Arar a-vremañ

Arar 1. Laz (kamm eo amañ) 2. Da sterniañ loened 3. Reolier 4. Kontell 5. Beg ar soc'h 6. Soc'h 7. Skouarn an arar.

Un arar a-vremañ a vez staget ouzh un trakteur.

Daveoù

E skridoù zo e vez komzet eus meur a seurt erer:

• Un arar da blomañ (TBP 1/118) zo un arar da freuziñ douar
• Un arar da gignat ( TBP 2/257): ne ra nemet kignat an douar.

Implijoù all

E Breizh, e Karaez, e vez aozet ur fest a vez graet Gouel an Erer Kozh anezhi.

Sellit ouzh ar ger arar er
wikeriadur, ar geriadur frank.