An trevadennoù el lennegezh vrezhonek

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

An trevadennoù aozet gant Bro-C'hall a ya d’ober ul lod eus al lennegezh vrezhonek, peurvuiañ er skridoù savet gant ar veleien gatolik a-zivout ar misionoù aozet gant an aotrouniezhoù katolik a voe staliet er broioù dindan beli ar Republik gall. Koulskoude ez eus bet anv ivez eus trevadennoù koshoc’h staliet e-doug ar Renad kozh (Antilhez ha Kanada) hag eus an trevadennoù staliet gant Stadoù all.

Misionoù estren ha misionerien

Goude 1840 e voe savet gant pep eskopti eus Bro-C’hall ur gelaouenn ma kaved pennadoù tennet eus an "Annales de la Propagation de la Foi" ha lizhiri kaset gant ar visionerien staget ouzh an eskopti. Krouet e voe Brediah ar Fé (Gwened, 1843, Lizeri Breuriez ar Feiz (Kemper, 1844), Keloio Prezegerez ar Fe (Sant-Briek, 1866) evit bastañ da ezhommoù ar feizidi vrezhonek.

Er gelaouenn vrezhonek Feiz ha Breiz e veze kavet meur a bennad o tennañ da vuhez ar visionerien er broioù estren, trevadennet an darn vuiañ anezho, pe en un doare kentelius evit mad ar relijion, pe evit degas anaoudegezhioù war ar broioù pell hag o ferzhioù.

Oberourien herez ar bloavezh

1890?

• Mikael Keineg, Gwerz war brezel an Tunizi hag an Aljeri, Kemper, emembann.

1908

• Ab-Sulio, Ar Vorianez. Kanaouenn war don Ar Pilhaouer. E Madagaskar e voe savet hervez ar skrid.

1943

• Yann-Frañsez Kaba, Trema an Heol o sevel, Skridoù Breizh. Danevell-veaj. Djibouti, Madagaskar.

1991

• Erwan Evenou, Nikolazig ar broioù tomm, Mouladurioù Hor Yezh. Romant. Aljeria

2003

• Herve ar Gall, Piv a glevo, An Alarc’h. (ISBN 9782952023818). Heklev brezel Aljeria e Breizh.

2018

• Erwan Evenou, Bugale milliget ar baradoz kollet. Embannadurioù Al Liamm. Romant. Aljeria