Ahel Roma-Berlin-Tokyo
_in_Tokio.jpg)
| Deiziad krouiñ | 1940  |
|---|---|
| Anv er yezh a orin | Achsenmächte, Potenze dell’Asse, 枢軸国 |
| Perzhiad e | Eil Brezel-bed |
| Brezel | Eil Brezel-bed |
| Darvoud-alc'hwez | November 20, 1940, Romania formally joined the Axis alliance (Germany, Italy, and Japan) |
| Deiziad divodañ | 1945 |
| Deskrivet en URL | https://www.smithsonianmag.com/smart-news/why-we-call-axis-powers-axis-powers-180960980/ |
An Ahel Roma-Berlin-Tokyo pe nerzhioù an Ahel (Alamaneg: Achsenmächte, Italianeg: Potenze dell'Asse, Japaneg: 枢軸国 Suujikukoku, Hungareg: Tengelyhatalmak, Roumaneg: Puterile Axei, Bulgareg: Сили от Оста) a vode ar broadoù a vrezelas a-enep ar Re Unanet e-pad an Eil Brezel-Bed. Anvet e oa an Ahel diwar anv an teir Stad pennañ eus an emglev : Alamagn an Nazied, Italia ar faskourien hag Impalaerezh ar Japan.
Da gentañ e oa sinet emglevioù mignoniezh etre Berlin ha Roma e miz Du 1936 hag etre Japan ha Berlin diwezhatoc'h. An Emglev enepkomintern etre Berlin ha Tokyo a oa sinet goude d'ar 25 a viz Du 1936, hag Italia er sinas ivez e miz Du 1937. E miz Mae 1939 e teuas an emglevioù mignoniezh etre Berlin ha Roma da vezañ ur gwir gevredad anvet an Emglev dir gant Mussolini. Krouet e oa an Ahel da vat d'ar 27 a viz Gwengolo 1940 gant sinadur Emglev an tri zu etre an Bro-Alamagn, Impalaeriezh Japan ha Rouantelezh Italia a savas evel-se ur c'hevredad milourel. Da c'houde e teuas broioù all da vezañ ezel eus ar c'hevredad. Er c'hontrol diouzh nerzhioù ar Gevredidi, Re an Ahel ne savjont ket taolioù bras gant an teir bro vras a oa diazez ar c'hevredad a-gevret : An trede Reich hag Italia a oa dister o emell war talbennoù Okeania hag Azia ar Gevred e-pad ar Brezel-bed – daoust ma oa sevenet kefredioù gant an arme alaman en Okeania a-raok da Japan disklêriañ ar brezel d'ar Stadoù-Unanet hag arme Japan ne gemeras ket perzh gant soudarded er brezel en Europa hag er Reter-Kreiz. Pa oa en e varr e kontrole an Ahel tachennoù ec'hon en Europa, en Afrika an Norzh hag en Azia. Echuiñ a reas an Eil Brezel-bed gant faezhidigezh he holl izili, diskar renadoù ar broioù a gemere perzh ennañ ha gant diwezh an emglev.