305vet Divizion (Wehrmacht)
| 305vet Divizion Troadegiezh Bodensee (Wehrmacht) | |
|---|---|
| |
| Skoed ardamezioù an 305vet Divizion Troadegiezh alaman | |
| Padelezh | Here 1940- Ebrel 1945 |
| Bro | .svg){kind=small} Trede Reich
|
| Sujidigezh | Oberkommando der Wehrmacht
|
| Skourr |  Wehrmacht
|
| Anvioù all | Bodensee Division Baden-Württembergische Division Fels im Meer |
| Doare | Troadegiezh |
| Gwarnizon | Ravensburg |
| Brezel | Eil Brezel-bed |
kemmañ  |
|
An 305. Infanterie-Division (brezhoneg: 305vet Divizion Troadegiezh) eus ar Wehrmacht berraet e 305. ID a oa un unvez d'al lu Alaman hag a voe implijet e-pad an Eil Brezel-bed. An divizion a gemeras perzh en emgannioù brudet evel emgann Stalingrad, emgann Monte Cassino.
Daskoret eo d'al lu amerikan, d'an 88th Infantry Division (brezhoneg: 88vet divizion troadegiezh) e norzh Italia e-kichen Trento e miz Ebrel 1945.
Emgann Stalingrad[kemmañ | kemmañ ar vammenn]
Donedigezh an 305vet divizion troadegiezh war talbenn emgann Stalingrad a roas nerzh d'al lu alaman evit kas da benn un argadenn veur. Adalek ar 14 a viz Here betek an 19 a viz Du 1942 e voe argad a-raok ziwezhañ an Alamaned e kêr Stalingrad. Un 90% bennak eus kêr a voe tapet gant lu an Trede Reich. Dindan urzhioù Adolf Hitler e oa bet soñjet implijout unvezhioù bihan met arbennikaet a-benn trec'hiñ da vat al Lu Ruz.
E kostez su Emgann Stalingrad e c'hoarvezas an dagadenn, greanti armoù Barrikady o vezañ er c'hreiz. An dagadenn a droc'has al linennoù difenn rusian e meur a lec'h. E norzh uzin traktourioù Stalingrad Dzerjinski e voe enkelc'hiet strolladoù-stourm al Lu Ruz ; heñvel e voe er c'hornôg e kostez uzin armoù Barrikady. An uzin traktour a gouezhas dindan daou zevezh, tizhet e voe ar Volga ha kregiñ a reas an Alamaned da vont e-barzh greanti Barrikady. An 62vet lu ruz a oa troc'het e daou damm.
Unvezhioù stourm an 305vet Divizion a oa bet distrujet betek 70 %, ne oa mui nerzh ganto da echuiñ gant krabanata uzin Barrikady. Argad, enep-argad, gwadus e voe a bep tu met digemm e chomas an talbenn. Riñset e voe al lec'h gant ar bombezadegoù Stuka hag an taolioù-kanol. Pa veze echuet gant ar bombezadegoù e kroge tagadenn an droadegiezh alaman. An difennerien chomet kuzhet a zistroe d'o fostoù-difenn hag e kroge an emgannoù.
D'an 18 a viz Du 1942 e voe enkelc'hiet ar 6vet lu alaman e kêr Stalingrad.