Yedioth Ahronoth

Eus Wikipedia
Mont da : merdeiñ, klask
Burevioù Yedioth Ahronoth e Tel Aviv

Yedioth Ahronoth (ידיעות אחרונות en hebraeg, a dalvez Keleier diwezhañ) a zo ur gazetenn hebraek pemdeziek a vez embannet e Tel Aviv en Israel.[1] Abaoe ar bloavezhioù 1970 eo ket ar gazetenn skigentañ en Israel hag en un enklask kaset gant TGI ma keñverier disoc'hoù dibenn 2008 ha re dibenn 2009 e weler ez eo bepred an hini lennetañ (un digresk bihan a zo bet, eus 35,9% da 33,9%).[2]

Istor[kemmañ]

Yedioth Ahronoth a voe krouet e dibenn ar bloavezhioù 1930 gant Nachum Kumarov. Ar gazetenn gentañ embannet diouzh an abardaez e Palestina e voe, ha savet e voe diwar batrom London Evening Standard. Abalamour da gudennoù argant e voe gwerzhet da Yehuda Mozes. E vibien, Reuben ha Noah o anvioù, a reas war-dro ar gazetenn.[3]

E 1948 ez eas kuit kalz kazetennerien ha renerien, hag e kroujont Yedioth Maariv, hag a zeuas da vezañ Maariv. Diwar neuze e voe kevezerezh etre an div gelaouenn, betek ar bloavezhioù 1990 ma voe dizoloet e veze selaouet linenn bellgomz an eil gant skipailh eben.[4][5]

Hiziv an deiz[kemmañ]

Hiziv an deiz ez eo Arnon Mozes a zo e penn ar gazetenn. Ment ha stil un tabloid a zo dezhi. [6] War a lenner e vefe "kelaouenn gentañ ar vro."[7]

Perc'hennet eo gant stroll Yedioth Ahronoth Group[8], hag a zo perc'hennet war meur a vedia all evel ar chadennoù skinwel Channel 2 ha "Xtra HOT", "Yedioth Tikshoret", ur stroll kazetennoù sizhuniek lec'hel, "Vesti", ur gazetenn rusianek, ha magazinoù evel ar magazin skinwel sizhuniek Pnai Plus hag ar magazin sizhuniek La'Isha evit ar maouezed.

Notennoù[kemmañ]

  1. The press in Israel, 8 a viz Mae 2006 http://news.bbc.co.uk/1/hi/world/middle_east/4969714.stm BBC
  2. http://www.globes.co.il/serveen/globes/docview.asp?did=1000534102&fid=942 TGI survey shows "Globes" only paper to grow, Li-Or Averbuch, 27 a viz Genver 2010, Globes
  3. The Israeli Press
  4. Israel's newspaper war gets nasty CBC, 10 a viz Du 2000
  5. Editor of Israeli paper Ma'ariv is charged in wiretapping case Jewish Bulletin of Northern California, 25 a viz Eost 1995
  6. Wolfsfeld, G. (1997) Media and Political Conflict ISBN 0-521-58967-3
  7. The Israeli Press Jewish Virtual Library
  8. Yedioth Ahronoth Group - Holdings Companies BAR Group http://bar-ltd.co.il/english/ynet.asp

Liammoù diavaez[kemmañ]