Ruhnama

Eus Wikipedia
Mont da : merdeiñ, klask
Golo al levr Ruhnama

Ul levr eo Ruhnama (e brezhoneg Levr an Ene, diwar ar perseg: روح ruh, "ene" ha نامه nāme, "levr") skrivet gant Saparmourat Niyazov, Prezidant da viken Turkmenistan.

Buhez ar skridaozer e-unan a lenner el levr, mesk-ha-mesk gant istor faltaziek ha testennoù speredel, en o zouez kontadennoù ha barzhonegoù bet savet gant ar barzh soufiek Magtymguly Pyragy.

Embannet e oa bet al lodenn gentañ e 2001 evit uhelaat live speredel pobl Turkmenistan, hervez Saparmourat Niyazov e-unan. E 2004 e oa bet embannet an eil lodenn, enni testennoù-skrid o tennañ d'ar filozofiezh ha d'an doare reizh d'en em derc'hel er vuhez.

Kavet e vez al levr e pep lec'h e Turkenistan er vuhez foran ha ranket e vez d'ar moskeennoù e lakaat war wel par-ha-par gant ar C'horan.

Ret eo lenn ar Ruhnama er skolioù hag er skolioù-meur ha dav e anavezout mat evit labourat evit ar Stad.


Liammoù diavaez[kemmañ]