Leonteüs
Leonteüs (henc'hresianeg : Λεοντεύς Leonteus) a oa unan eus ar briñsed a gemeras perzh e brezel Troia.
Mab e oa da Goronos roue al Lapited. Gant al Lapit Polypoites ez eas d'ar brezel, a badas dek vloaz.
Goude kemeret Troia ez eas d'ar gêr war e dreid gant Polypoites ha Kalc'has, a gave gwelloc'h an hent hir dre an douar eget ar veaj verr war vor, abalamour da gounnar an doueez Athena.
Hag int-i erruet e Kolofon. Eno en em lazhas Kalc'has dre ma oa bet mezhekaet gant an diouganer Mopsos, en ur seurt kenstrivadeg divinout.
Goude beziet e gompagnun e talc'has gant e hent hag e savas, gant e gamarad, kêr Aspendos, e hanternoz Azia Vihanañ.
Pennad kar[kemmañ | kemmañ ar vammenn]
- 3793 Leonteüs zo un asteroidenn a voe kavet e 1985[1].
Notennoù[kemmañ | kemmañ ar vammenn]
- ↑ (en) Minor Planet Center