Kroashent Kerne

Kroashent Kerne zo ur greizenn lojañ hag ober lec'hiet e Ti ar Brug e Kemper hag a roio bod da skolidi ha deskidi vrezhonegerien ha da veur a obererezh tro-dro d'ar brezhoneg. Kroget eo bet gant ar raktres e 2024. Bez e c'heller e geñveriañ gant kreizenn Yezhoù ha Sevenadur Sant-Ervlan.

Istor ar raktres

D'ar 15 a viz C'hwevrer 2024 eo bet asantet gant Kuzul tolpad-kêrioù Kemper Breizh Izel ma vo gwerzhet Ti ar Brug, un ti retretidi dizimplij ha lec'hiet e kreiz bourc'h Penharz, d'ar c'hevarzhe Kroashent Kerne.
Ar gevelerien a ya da leviañ ar raktres eo skolaj Diwan Jakez Riou, Ti Ar Vro Kemper, Kelenn, Kamp Etrekeltiek Ar Vrezhonegerion (KEAV), Kreizenn ar Geriaouiñ, Kevre Breizh.
Ar c'hevarzhe Kroashent Kerne zo e chomlec'h da c'hortoz 5 straed Vande, e skolaj Diwan Kemper. Philippe Gastoud eo ar prezidant kentañ.

Gerioù kinnig ar brezidantez tolpad-kêrioù ha maerez, Isabelle Assih :"Ar raktres-mañ zo ur chañs evit sevel ur pol eztaoliñ e brezhoneg e kalon Kerne hag e sav a-blom gant kemmesk ar renkadoù a gaver e karter Penharz hag e Kervoezan. Un oberiadur a uhelbal savet diouzh ur youl politikel eo."

Obererezhioù boulc'het ha da zont

Lec'h lojañ evit skolajidi

• Lojet eo diabarzhidi skolaj Diwan Jakez Riou ennañ (Ebrel 2024)
• Lojet eo stajidi Kelenn, kreizenn stummañ kelennerien Diwan, ennañ.

Lec'h stummañ e brezhoneg

• Kamp Etrekeltiek Ar Vrezhonegerion a sav stajoù brezhonek ha devezhioù studi.

Burevioù evit degemer kalz a gevredigezhioù stag ouzh ar brezhoneg

• Kevre Breizh

Darvoudoù

Ul lec'h evit darvoudoù sevenadurel eo ivez (diskouezadegoù, arvestoù, prezegennoù… ).

Pennadoù nes

• Kreizenn Sevenadurel Yezhoù ha Sevenadur
• Tiez ar Vro

Lec'hienn ofisiel

• Lec'hienn Web Kroashent Kerne

Levrlevrennadur

• Adèle Leberre, Quimper : l'Ehpad des Bruyères se transforme en pôle d'hébergement et de promotion du breton. E-barzh Côté Quimper, 17 C'hwevrer 2024.