Théodore Hersart de La Villemarqué

Gant ar ger "Kervarker" e tegouezher amañ. Evit sterioù all ar ger, gwelit Kervarker (disheñvelout).

---

Kervarker, poltredet gant Evariste Vital-Luminais

Delwenn e Kemperle

Théodore Hersart de La Villemarqué, Kervarker e brezhoneg, eo anv ur yezhour breizhat troet gant sevenadur Breizh. Ganet eo bet e Kemperle d'ar 7 a viz Gouere 1815 ha marvet d'an 8 a viz Kerzu 1895 e Kemperle ivez.

Yaouankiz Kervarker

Pa oa yaouank e veve e Maner Plessis e Nizon, e-kichen Pont-Aven.

E vamm, ar gontez Maria-Ursule Feydeau eus Vaugien, a ouie mat a-walc'h ar brezhoneg, ken dre gomz ha dre skrid, evit ma krogfe da zastum kanaouennoù e brezhoneg. Studier e skolaj jezuisted Gwened, tremen a ra e vakañsoù er Maner da ziskrinañ kanaouennou e brezhoneg hag o sonerezh war karnedoù dastum. Ar re-se a chomo gant ar familh betek ma vint fiziet, 150 vloaz diwezatoc'h, er c'hlasker Donatien Laurent. Ar re a gan evitañ a zo, evit ul lodenn vras, mevelion : peizanted, micherourion, servitourion...