Karkajou
|
|||||
|---|---|---|---|---|---|
 |
|||||
| Rummatadur klasel | |||||
| Riezad : | Loened | ||||
| Skourrad : | Chordata | ||||
| Kevrennad : | Mammalia | ||||
| Urzhiad : | Carnivora | ||||
| Kerentiad : | Mustelidae | ||||
| Genad : | Gulo | ||||
| Anv skiantel | |||||
| Gulo gulo Linnaeus, 1758 |
|||||
|
|||||
Ar c'harkajou, pe kargloud, (Gulo gulo) zo ur bronneg bras eus kerentiad ar Mustelidae. Ar spesad nemetañ eo eus ar genad Gulo.
Tri isspesad zo :
- Gulo g. gulo en Europa.
- Gulo g. luscus ha Gulo g. vancouverensis en Amerika
Taolenn |
Doareoù pennañ[kemmañ]
Ar c'harkajou a zo un aneval gell e vlevenn. Roudennoù melen a vez alies war e gostezoù. Stank ha hir eo e greoñ ha ne vir ket an dour, ar pezh a zo talvoudus en endroioù yen evel ar re ma kaver ar c'harkajoued enno. Gallout a ra ar c'harkajou tizhout 25 kg ha 110 cm gant ul lost 20 cm. Tennañ a ra d'un arzh bihan gant ul lost hir. Ur c'hwezh fall tre a zo gantañ.
Emzalc'h[kemmañ]
Un hollzebrer kentoc'h eget ur c'higdebrer gwir eo ar c'harkajou. Kreñv tre eo ha gallout a ra lazhañ anevaled ken bras hag un elan. Kirvi-erc'h a vez hemolc'het gantañ, ar pezh a grou kudennoù er rannvroioù lec'h m'o deus ar c'hirvi-erc'h ur pouez armerzhel bras. Ar c'harkajou ne dag ket an dud met, dre ma c'hoarvez gantañ tagañ loened tapet e trapoù, e voe lazhet alies gant traperien gwechall. Kemer a reont ivez preizhioù digant preizherien arall evel an arzhed pe ar bleizi.
Parañ a ra ar c'harkajoued e-pad an hañv met ampellaet e vez stagadur ar fetus betek ar goañv. An aliesañ ne vez ket ganet kolen ebet gant ar barez keit ha ma vez ral ar boued. Ar c'helin - tri pe pevar - a vez ganet e-pad an nevez-amzer hag o oad-gour a dizhont goude ur bloavezh.
13 vloaz a c'hell bevañ ar c'harkajou.
Annez[kemmañ]
Er rannvroioù arktek evel Alaska, hanternoz Kanada, Siberia ha Skandinavia e vev ar c'harkajou dreist-holl. E gavout a reer ivez e Rusia hag er broioù baltek. Boutinoc'h e oa gwechall, avat. A-raok trevadennerezh Amerika gant an europeiz e kaved anezhañ betek ar Sierra Nevada e Kalifornia. Dianav eo poblañs a-vremañ ar c'harkajoued met n'eo ket niverus war a seblant.
