Johannesburg
Diwar Wikipedia, an holloueziadur digor
Johannesburg zo kêr vrasañ Suafrika, kêr-benn proviñs Gauteng, hini binvidikañ ar vro. E rannvro Transvaal emañ.
Ha n'eo ket unan eus teir c'hêr-benn ar vro, kavout a reer ar yalc'h hag al lez vonreizhel. Gwelet e vez evel ur greizenn armerzherezh a-bouez (kenwerzh aour ha diamant, obererezhioù arc'hant ...).
4 milion den zo o chom er gêr, hag tost da 8 milion er veurgêr.
Taolenn |
[kemmañ] Douaroniezh ha hin
Lec'hiet eo e 1650 metr a uhelder. Klouar eo an amzer e-pad an deiz (war-dro 28° da 30° en hañv ha 10° da 20° er goañv), yen eo avat e-pad an noz (un 15° bennak en hañv ha betek dindan zero er goañv).
Emañ en un 50 km bennak e su Pretoria, kêr-benn velesdraturel ar vro.
[kemmañ] Istor
Liammet eo ledañ ar gêr gant dizoloadenn an aour e 1886. Kresk a ra neuze buan-kennañ. Krouet eo ur yalc'h an dalvoudoù (ar Johannesburg Stock Exchange) adal 1887.
Postadurioù bras diloc'h er bloavezhioù 1930 (savadurioù Art déco) hag er bloavezhioù 1970 (skrapoù-oabl) en deus kemeret perzh e diorren ar gêr.
[kemmañ] He annezidi
73 % eus ar boblañs a zo du, 16 % a zo gwenn, 6 % a zo hiron ha 4 % azian (en o zouez Indianed). 42 % eus an annezidi zo dindan 24 bloaz.
An ngunieg eo ar yezh muiañ komzet (34 %), ha war-lerc'h ar sothoeg (26 %), ar saozneg (19 %) hag an afrikaaneg (8 %).
7 % eus ar boblañs zo distudi, 29 % deusouto zo diplomet eus an eil derez (high school) ha 14 % deusouto en deus studiet er skol-veur.
Al lodenn vrasañ eus an dud en em zisklêriañ kristen (53 %) ha 24 % a zo dizoue pe supozer. 14 % a zo e ilizoù afrikan a bep seurt, 3 % a zo muzulmaned, 1 % a zo yuzevien hag 1 % all a zo hindoued.
[kemmañ] He c'harterioù
11 rannvro velestradurel a zo enni hiziv an deiz :
- Rannvro 1 : Diepsloot, Kya Sand
- Rannvro 2 : Midrand, Ivory Park
- Rannvro 3 : Bryanston, Douglasdale, Fourways, Randburg, Sandton, Strijdompark, Sunninghill, Woodmead
- Rannvro 4 : Northcliff, Rosebank, Parktown
- Rannvro 5 : Roodepoort, Constantia Kloof, Northgate
- Rannvro 6 : Doornkop, Soweto, Dobsonville, Protea Glen
- Rannvro 7 : Alexandra, Wynberg, Bruma
- Rannvro 8 : Inner City
- Rannvro 9 : Johannesburg South, City Deep, Aeroton, Southgate
- Rannvro 10 : Meadowlands, Diepkloof
- Rannvro 11 : Orange Farm, Ennerdale, Lenasia
Amos Masondo eo he maer, eus strollad an ANC. E dilennadegoù ar gêr d'ar 1añ a viz Meurzh 2006 e yaas ar maout d'an ANC gant 62% eus ar mouezhioù (136 kador), hag ouzhpenn un trede deuzouto d'an Emglev Demokratel (59 kador).
En norzh emañ ar garterioù kran, en o zouez Melrose, Four ways, Rivonia hag ar greizenn aferioù e Sandton.
Er mervent emañ an township Soweto (SOuth WEst TOwnship) hag a zo a-ziwar-lerc'h an apartheid.
Niver a dud e takadoù kerel Johannesburg hervez an niveradeg d'an 09/10/2001 :
| takad kêrel | poblañs gêrel e 2001 |
|---|---|
| Johannesburg | Patrom:0894 715 |
| Soweto | Patrom:0772 148 |
| Orange Farm | Patrom:0163 778 |
| Roodeport | Patrom:0147 308 |
| Alexandra | Patrom:0139 484 |
| Meadowlands | Patrom:0128 460 |
| Randburg | Patrom:0123 109 |
| Sandton | Patrom:0118 259 |
| Ivory Park | Patrom:0103 371 |
| Diepklof | Patrom:093 638 |
| Diepsloot | Patrom:047 494 |
| Midrand | Patrom:028 500 |
| Rabie Ridge | Patrom:022 193 |
| Tshepisong | Patrom:020 271 |
| Ebony Park | Patrom:016 206 |
| Poortjie | Patrom:09 469 |
| Mayabuye | Patrom:08 864 |
| Wheeler's Farm | Patrom:07 948 |
| Klipfontein View | Patrom:03 144 |
| Vlakfontein | Patrom:0 821 |
| Kempton Park | Patrom:0 685 |
| Total JOHANNESBURG | Patrom:02 855 379 |
mammenn : benveg Superweb :interactive stats SA.
[kemmañ] Armerzh
N'eo ket ar mengleuzioù gennad pennañ ar c'horn-bro ken. Diorren ar servijoù hag an aerborzh etrebroadel en deus lakaet Johannesburg da vezañ ur geoded bouezhus evit ar c'henwerzh afrikan ha bedel. Tolpad Johannesburg (Gauteng) a dalvfe 40 % eus PDK Suafrika, .
37 % eus ar boblañs oberiant zo dilabour (91 % deusouto zo du). 19 % a labour e tachenn ar servijoù ha 18 % e tachenn an arc'hant.
[kemmañ] Touriterezh
Johannesburg zo ur gêr danjerus, he c'hreiz-kêr da skouer. Disurentez vras zo abaoe penn-kentañ ar bloavezhioù 90.
Al lec'hioù da vezañ gweladennet gant an douristed zo mirdi an apartheid, park tematek Gold Reef City ha karterioù Sandton ha Randburg. Ret eo menegiñ ivez Soweto, an township, e lec'h e vez kavet Mandela House Museum ha Hector Petersen Memorial Monument.
[kemmañ] Aveadurioù sport
Stad rugby brudet Ellis Park a zo e Johannesburg. Gourfenn trede kip rugbi ar bed oa bet eno e 1995. Aet e oa ar maout gant ar re springbok a-enep ar re All-blacks. Nelson Mandela, prezidant du kentañ ar vro, en doa roet eén e-unan an trofe d'ar c'habiten suafrikanaat Francois Pienaar. Un arouez vras e oa pa oa an apartheid o paouez echuiñ. Brasaet e vez evit bremañ evit gourfenn Kib melldroad ar bed 2010 d'ar sul 11 a viz Gouere.
[kemmañ] Gevelliñ
- Patrom:Country data England Birmingham e Bro-Saoz
- Patrom:Country data United States Kêr New York er Stadoù-Unanet
- Patrom:Country data Brazil São Paulo e Brazil
Xi'an e Sina.
[kemmañ] Anvioù all
Lezanvet eo Johannesburg Joburg, J'burg, The Wild City pe c'hoazh Jozi. eGoli eo he anv e zouloueg, ha talvezout a ra kêr an aour.
[kemmañ] Tud liammet gant ar gêr
- Peter Abrahams, romantour saoznek ganet e 1919
- Robyn Orlin, korollourez dañs a-vremañ, ganet er gêr-mañ e 1955
- J.R Rotem produour amerikan
