Formulenn diorroet plaen

Termenadur

Er gimiezh volekulel ez eo ar formulennoù diorroet plaen formulennoù a ro titouroù diwar-benn arenkamant an atomoù a gompoz ar molekulennoù. Dre ma vezont taolennet a-blaen ne roont ket titouroù diwar-benn arenkamant gwir an atomoù en egor. Peurvuiañ e vez taolennet a-skouer (90º) an ereadoù etre an atomoù, met evit bezañ sklaeroc'h e vezont taolennet a 120º a-wezhioù.
Natur an atomoù a vez meneget gant simboloù deuet eus taolenn beriodek an elfennoù hag an ereadoù etre an atomoù gant unan pe meur a dres diouzh ma vez simpl pe liesek ar re-se.

Un nebeud formulennoù diorroet plaen

An dour (H₂O) :

H - O - H

Ar propan (C₃H₈) :

    H   H   H
    |   |   |
H - C - C - C - H
    |   |   |
    H   H   H

An etanol (C₂H₆O) :

    H   H   
    |   |   
H - C - C - O - H
    |   |   
    H   H   

An etilen (C₂H₄) :

    H   H
    |   |
    C = C
    |   |
    H   H

Gwelet ivez

• Ar sistemoù diseurt da daolennañ ar molekulennoù
• Ar c'hevatalennoù kimiek
• Ar gimiezh organek
• Ar gimiezh vineralek