Fernando Alonso Díaz

Eus Wikipedia
Mont da : merdeiñ, klask
Fernando Alonso Díaz
Fernando Alonso
Niverenn 14
Bloavezhioù
o redek
Abaoe 2001
Bro Banniel Spagn Spagn
Banniel Asturiez Asturiez
Deiziadoù 29 a viz Gouere 1981
Skipailhoù Flag of Italy.svg Minardi (2001)
Flag of France.svg Renault (2003-2006)
Flag of the United Kingdom.svg McLaren (2007)
Flag of France.svg Renault (2008-2009)
Flag of Italy.svg Ferrari (abaoe 2010)
Niverenn
ar Prizioù Bras
198
Trec'hioù 30
Plasoù pol 22
Podiomoù 87
Titloù 2005, 2006

Fernando Alonso Díaz, ganet d'an 29 a viz Gouere 1981 en Oviedo, en Asturiez, a zo ur blenier Formulenn 1 asturiat.

Gounezet en deus gant Renault kampion spagnolat kentañ ar Formulenn 1 e 2005 ha gounezet en deus un titl all e 2006. Goude ur bloavezh diaes gant McLaren-Mercedes e oa adkemeret gant Renault a-benn 2008 ha 2009. E 2010 e oa degemeret Alonso gant Scuderia Ferrari e-kichen Felipe Massa ha redek a ra evit ar skipailh-se a-benn ar mare 2012. 30 trec'h zo dezhañ.

E 2001 en deus kroget Alonso en Aostralia gant Minardi, met n'en deus gounezet e drec'h kentañ nemet e 2003, e Priz Bras Hungaria gant Renault, o tont da vezañ ar blenier yaouankañ o c'hounit e F1 betek 2008 ha trec'h kentañ Sebastian Vettel. An hini yaouankañ ivez a oa o c'hounit un titl betek 2008 c'hoazh, ha titl kentañ Lewis Hamilton, ha ar c'hampion-doubl yaouankañ a oa etre 2006 ha 2011 gant eil ditl Sebastian Vettel.

Lesanvet eo Tarv an Asturiez gant e suportered ha abaoe e drec'h gentañ e vez graet Alonsomania berzh ar Formulenn 1 e Bro-Spagn.

E vuhez[kemmañ]

A-raok ar Formulenn 1[kemmañ]

Daoust ma teu Alonso eus un tiegezh simpl e grog gant ar c'harting abred da drugarez d'e dad, sot gant ar redadegoù kirri. Gounit a ra peder wech kevezadeg Bro-Spagn e rummad junior e 1993, 1994, 1995 ha 1996, daoust ma oa nemet 12 vloaz evit e ditl kentañ. E 1996 e c'hounez Kib Bed junior ha mont a ra da Italia evit redek. Gounit a ra kevezadegoù Inter-A Bro-Spagn hag Italia e 1997 a-raok bezañ eil-gampion Europa Inter-A e karting e 1998.

E 1999 a ya Fernando Alonso da Formulenn Nissan e kirri un-plas e-barzh skipailh ez-blenier F1 Adrian Campos, a zo deuet da vezañ melestrer Alonso. Gounit a ra an titl evit e vloaz kentañ hag ober a ra un esae F1 gant Minardi. Daoust ma oa diaes an amzer a ra Alonso berzh o vlenian aes-tre, o reiñ aon da Giancarlo Minardi peogwir ne oa ket sur e peseurt stad e vije bet ar c'harr dindan ar c'hlav gant ur blenier hep skiant-prenet.

E kevezadeg F3000 a ya Alonso e 2000, o redek gant Astromega. Mankout a ra Alonso skiant-prenet ha neuze n'hall ket redek evit an titl met goude un nebeud redadegoù a grog an asturianad diskouez e dalant. Gounit a ra redadeg Spa-Francorchamps ha heuliet eo gant Ferrari ha Flavio Briatore. Gant an hini diwezhañ a sin Alonso ur c'houmanant pell evit mont e Formulenn 1.

Ur penn-kentañ mat gant Minardi[kemmañ]

Re yaouank a zo Alonso evit bezañ plaset e Benetton-Renault evit e vloavezh kentañ, ha neuze e tibab Flavio Briatore prestañ dezhañ da Vinardi e-pad ar bloavezh 2001. Siwazh ne c'hall ket Alonso bezañ e penn ar redadegoù peogwir n'eo ket kevezus awalc'h e garr. Ober a ra berzh avat e lost ar polotennad, o redek gant kirri Prost hag oc'h ober traoù mat. Evit 2002 ne soñj ket Briatore e vefe stummañ awalc'h ur bloavezh-all e penn-all ar polotennad, ha setu eo bet dibabet Alonso evit bezañ trede vlenier Renault.

O pleustriñ gant Renault[kemmañ]

Alonso e 2004

Ober a ra Alonso esaeoù evit Renault e-pad ar bloavezh, o testañ nevezioù ar c'harr, ha dont a ra da vezañ istimet gant an ijinourien dre e zistreiñ teknikel. Aotreet eo gant Renault ober un esae gant Jaguar e nevezamzer 2002. Bleniañ a ra buanoc'h eget ar blenier kentañ Pedro de la Rosa. Abalamour d'e labour ha d'e zisoc'hoù eo bet dibabet gant Flavio Briatore ha Renault F1 Team evit erlec'hiañ Jenson Button hag evit redek e-kichen Jarno Trulli e 2003.

Adal penn-kentañ ar bloavezh e tiskouez Alonso evel unan eus ar vlenierien buanañ e Formulenn 1, o tapout Podiomoù e Malaysia hag e Brazil, hag ar plas pol e Malaysia, o tont da vezañ an hini yaouankañ en doa tapet ur plas pol dirak Rubens Barrichello. Tapout a ra Eil blas Priz Bras Bro-Spagn o redek ouzh Michael Schumacher ha Rubens Barrichello. En Hungaria e c'hounez e drec'h kentañ, goude graet ar plas pol, o tont da vezañ ar blenier yaouankañ o c'hounit dirak Bruce McLaren, ur rekord trec'het gant Sebastian Vettel e 2008. Echuiñ a ra ar bloavezh gant 55 poent hag ar c'hwec'hvet plas, un 20 poent bennak dirak e genskipailher Jarno Trulli.

Gortozet eo Alonso evit 2004 abalamour d'e zisoc'hoù, met ne ya ket mat lodenn gentañ ar bloavezh, daoust ma zo gwelloc'h kirri Renault. Ober a ra Trulli disoc'hoù gwelloc'h eget re Alonso, ha trec'hiñ a ra e Monaco pa zilezel Alonso ar redadeg en abeg d'ur gwallzarvoud. Diaesoc'h eo an traoù e-pad an eil lodenn ar bloavezh, dre vank kevezusted ar Renaultoù, met gwelloc'h a ra Alonso, o verkañ poentoù pouezus hag o echuiñ 4 ar gevezadeg pa zo erlec'hiet Trulli gant Jacques Villeneuve abalamour d'e zisoc'hoù fall.

Kampion yaouankañ ar Formulenn 1[kemmañ]

Alonso war e R25

Berzh a ra Renault hag Alonso e-pad an esaeoù-goañv, ha gwelet int war ar renk evit an titl e 2005. Tost peurvad eo lodenn gentañ ar bloavezh evit Alonso, o c'hounit e Malaysia, Bahrein, San Marino, Europa, Bro-C'hall hag e Alamagn, met rankout a ra Alonso ober gant disoc'hoù mat Kimi Räikkönen war McLaren. Siwazh evit an hini diwezhañ met evurus evit Alonso a zo bresk tre ar McLaren ha dreist-holl ar c'heflusker Mercedes-Benz, ha koll a ra Räikkönen un nebeud redadegoù abalamour da se, pa n'eo ket kastizet gant 10 plas war ar gael en abeg d'ur cheñchamant keflusker e-pad dibenn-sizhun ur Priz Bras, ar pezh a zo ur reolenn nevez. Kontroliñ a ra Alonso eil lodenn ar bloavezh o echuiñ tost atav ar ar Podiom ha gounit a ra titl ar vlenierien e Brazil, o tont da vezañ kampion yaouankañ ar Formulenn 1, dirak Emerson Fittipaldi, peogwir n'eo nemet 24 bloavezh. Sikour a ra Renault evit gounit titl ar saverien en un drec'hiñ e Sina.

Dual ar bloavezh 2006 : Alonso ouzh Schumacher

Gouel titloù Alonso ha Renault a zo bet un tammig priennet peogwir e tisklêr Ron Dennis, rener McLaren, e miz Kerzu e vlenio Alonso en e skipailh e 2007. Dibab a ra ar Spagnolat mont kuit eus Renault peogwir ne oar ket ma chomo Renault pell e Formulenn 1 abalamour da rener nevez Carlos Ghosn ar saver-kirri, lesanvet cost killer ("lazher dispignoù" e saozneg), ha ne blij ket kalz ar redadegoù kirri dezhañ[1]. Diskouez a ra ivez douetañs Alonso diwar barregezhioù Renault evit chom e penn ar jeu e Formulenn 1. Ron Dennis a lavaro goude-se a groge e zarempredoù gant Alonso goude Priz Bras Brazil, e lec'h ma deus gounezet Alonso e ditl, abalamour da zisoc'h ar McLarenoù, o doa graet un zoubladenn[2].

Evit afer-se e kendalc'h an traoù evit ar bloavezh 2006. Kemer a ra Alonso penn ar gevezadeg diouzhtu dirak Michael Schumacher war Ferrari. Goude nav redadeg e trec'he Alonso c'hwec'h gwech, graet en deus Podiomoù da bep redadeg ha 25 poent dirak Schumacher emañ. Diaesoc'h eo an traoù e-kreiz an hañv gant trec'hioù Schumacher ha Ferrari ha kudennoù mekanikel evit Alonso (dilezel a ra en Hungaria en abeg d'ur c'hrouilh stardet fall, hag en Italia en abeg d'ur c'heflusker torret). Kemer a ra Schumacher penn ar gevezadeg e Sina oc'h ober un trec'h daoust ma oa Alonso e plas pol. Adkemer a ra Alonso penn ar gevezadeg e Bro-Japan pa torr keflusker Schumacher e fin ar redadeg. Gant an trec'h-se a ya diaesoc'h an traoù evit an alaman. Echuiñ a ra Alonso ar redadeg diwezhañ eil ha gounit a ra e eil ditl, daoust redadeg mat-tre Schumacher.

Ur bloavezh start gant McLaren[kemmañ]

N'eo ket tre ar memes skipailh an hini a vlenio Alonso gantañ e 2007. Ma oa McLaren-Mercedes e penn ar jeu e fin ar bloavezh 2005 e oa diaosoc'h ar bloavezh 2006, an hini nemetañ didrec'h abaoe 10 vloaz. Aet eo Kimi Räikkönen da erlec'hiañ Michael Schumacher e Ferrari ha torret e oa gopr Juan Pablo Montoya e kreiz ar bloavezh 2006. Bleniañ a ra Alonso e-kichen Lewis Hamilton, kampion GP2, a grog gant ar F1.

Un distro gant Renault[kemmañ]

Dae Ferrari[kemmañ]

Disoc'hoù e Kevezadeg bed ar Formulenn 1[kemmañ]

Alonso gant e F10 e Malaysia

Goude Priz Bras Brazil 2013

  • 12 vloaz e Formulenn 1.
  • 2 titl ar vlenierien (2005-2006)
  • 216 disparti.
  • 32 trec'h.
  • 1 606 poent merket.
  • 22 plas pol.
  • 37 disparti e linenn gentañ.
  • 36 eil blas e Priz Bras.
  • 27 trede blas e Priz Bras.
  • 21 tro gwellañ ar redadeg.
  • 95 Podiom.
  • 5 hat trick.
  • 35 dilezel.


Bloavezh Skipailh Kastell-karr Keflusker Bandennoù-rod Niverenn ar PB Plasoù pol Trec'hioù Troioù gwellañ Podiomoù Gwechoù er poentoù Dilezeloù Poentoù Renkadur
2001 European Minardi F1 PS01 European V10 Michelin 17 0 0 0 0 0 9 0 23
2003 Mild Seven Renault F1 Team R23
R23B
Renault V10 Michelin 16 2 1 1 4 11 5 55 6vet
2004 Mild Seven Renault F1 Team R24 Renault V10 Michelin 18 1 0 0 4 12 5 59 4
2005 Mild Seven Renault F1 Team R25 Renault V10 Michelin 19 6 7 2 15 16 2 133 Kampion
2006 Mild Seven Renault F1 Team R26 Renault V8 Michelin 18 6 7 5 14 16 2 134 Kampion
2007 Vodafone McLaren Mercedes MP4/22 Mercedes V8 Bridgestone 17 2 4 3 12 16 1 109 3
2008 ING Renault F1 Team R28 Renault V8 Bridgestone 18 0 2 0 3 12 2 61 5vet
2009 ING Renault F1 Team R29 Renault V8 Bridgestone 17 1 0 2 1 8 2 26 9vet
2010 Scuderia Ferrari Marlboro F10 Ferrari V8 Bridgestone 19 2 5 5 10 16 2 252 2l
2011 Scuderia Ferrari 150° Italia Ferrari V8 Pirelli 19 0 1 1 10 18 1 257 4
2012 Scuderia Ferrari F2012 Ferrari V8 Pirelli 20 2 3 0 13 18 2 278 2l
2013 Scuderia Ferrari F138 Ferrari V8 Pirelli 19 0 2 2 10 17 1 242 2l
2014 Scuderia Ferrari F14T Ferrari V6T Pirelli 0 0 0 0 0 0 0

Trec'hoù e Kevezadeg bed ar Formulenn 1[kemmañ]

# Bloavezh Fust Priz bras Troiad Plas disparti Skipailh Karr
1
2003
13/16
Hungaria
Hungaroring
Plas pol
Renault
R23
2
2005
02/19
Malaysia
Sepang
Plas pol
Renault
R25
3
2005
03/19
Bahrein
Sakhir
Plas pol
Renault
R25
4
2005
04/19
Sant-Marino
Imola
2l
Renault
R25
5
2005
07/19
Europa
Nürburgring
6vet
Renault
R25
6
2005
10/19
Bro-C'hall
Magny-Cours
Plas pol
Renault
R25
7
2005
12/19
Alamagn
Hockenheim
3
Renault
R25
8
2005
19/19
Bro-Sina
Shanghai
Plas pol
Renault
R25
9
2006
01/18
Bahrein
Sakhir
4
Renault
R26
10
2006
03/18
Aostralia
Melbourne
3
Renault
R26
11
2006
06/18
Bro-Spagn
Katalonia
Plas pol
Renault
R26
12
2006
07/18
Monaco
Monaco
Plas pol
Renault
R26
13
2006
08/18
Breizh-Veur
Silverstone
Plas pol
Renault
R26
14
2006
09/18
Kanada
Montréal
Plas pol
Renault
R26
15
2006
17/18
Bro-Japan
Suzuka
5vet
Renault
R26
16
2007
02/17
Malaysia
Sepang
2l
McLaren-Mercedes
MP4-22
17
2007
05/17
Monaco
Monaco
Plas pol
McLaren-Mercedes
MP4-22
18
2007
10/17
Europa
Nürburgring
2l
McLaren-Mercedes
MP4-22
19
2007
13/17
Italia
Monza
Plas pol
McLaren-Mercedes
MP4-22
20
2008
15/18
Singapour
Singapour
15vet
Renault
R28
21
2008
16/18
Bro-Japan
Mont Fuji
4
Renault
R28
22
2010
1/19
Bahrein
Sakhir
3
Ferrari
F10
23
2010
11/19
Alamagn
Hockenheim
2l
Ferrari
F10
24
2010
14/19
Italia
Monza
Plas pol
Ferrari
F10
25
2010
15/19
Singapour
Singapour
Plas pol
Ferrari
F10
26
2010
17/19
Korea Su
Yeongam
3
Ferrari
F10
27
2011
09/19
Breizh-Veur
Silverstone
3
Ferrari
150° Italia
28
2012
02/20
Malaysia
Sepang
8
Ferrari
F2012
29
2012
08/20
Europa
Valencia
11
Ferrari
F2012
30
2012
10/20
Alamagn
Hockenheim
Plas pol
Ferrari
F2012
31
2013
3/19
Sina
Shangai
3
Ferrari
F138
32
2013
5/19
Bro-Spagn
Katalonia
5vet
Ferrari
F138

Disoc'hoù e diskiblezhioù all[kemmañ]

Bloavezh Diskiblezh Klasiñ
1988 Kevezadeg Asturiez karting Bugel Kampion
1989 Kevezadeg Galisia karting Bugel Kampion
Kevezadeg Asturiez karting Bugel Kampion
1990 Kevezadeg Bro-Euskadi karting Bugel Kampion
Kevezadeg Asturiez karting Bugel Kampion
1991 Kevezadeg Bro-Spagn karting Yaouaer Kampion
1993 Kevezadeg Bro-Spagn karting Yaouankad Kampion
1994 Kevezadeg Bro-Spagn karting Yaouankad Kampion
1995 Kevezadeg Bro-Spagn karting Yaouankad Kampion
Kib bed karting Yaouankad 2l
1996 Kevezadeg Bro-Spagn karting Yaouankad Kampion
Kib bed karting Yaouankad Kampion
1997 Kevezadeg Italia karting Inter-A Kampion
Kevezadeg Bro-Spagn karting Inter-A Kampion
1998 Kevezadeg Bro-Spagn de karting Inter-A Kampion
Kevezadeg Europa karting Inter-A Kampion
1999 Euro Open by Nissan Kampion

Notennoù ha daveoù[kemmañ]

  1. (fr) Alonso ou le souffle du changement radio-canada.ca, 22 a viz Kerzu 2005
  2. (en) Alonso switch - money or powerplant businessf1forum.com, 5 a viz Kerzu 2006

Stagadenn[kemmañ]


Commons
Muioc'h a skeudennoù diwar-benn

a vo kavet e Kerandafar.

Liammoù diavez[kemmañ]

Kampion a-raok :
Michael Schumacher
Fernando Alonso
Kampion bed ar Formulenn 1
2005-2006
Kampion war-lerc'h :
Kimi Räikkönen
Button Goodwood Alain Prost 2010 (cropped).jpg Porched ar Formulenn 1 – Gwelit ar pennadoù hag ar rummadoù diwar-benn ar Formulenn 1.
Kevezadeg bed ar Formulenn 1 2014
Red Bull Mercedes Ferrari Lotus McLaren Force India Sauber Toro Rosso Williams Marussia Caterham
1 Vettel
3 Ricciardo
44 Hamilton
6 Rosberg
14 Alonso
7 Räikkönen
8 Grosjean
13 Maldonado
22 Button
20 Magnussen
27 Hülkenberg
11 Pérez
99 Sutil
21 Gutiérez
25 Vergne
26 Kvyat
19 Massa
77 Bottas
17 Bianchi
4 Chilton
10 Kobayashi
9 Ericsson