Félicité Robert de Lamennais

Eus Wikipedia
Mont da : merdeiñ, klask
Hugues Félicité Robert de Lamennais gant Paulin Guérin

Yaouankiz[kemmañ]

Hugues-Félicité Robert de Lamennais, bet ganet e Sant-Maloù d'an 19 a viz Mezheven 1782 ha marvet e Pariz d'ar 27 a viz C'hwevrer 1854, a oa ur skrivagner hag ur prederour. Breur e oa gant Yann-Vari De La Mennais yaouankoc'h a zaou vloaz gantañ. Sikouret en deus bet kalz e vreur da vont gant ar soñjoù nevez a vefe ret da zegas d'an Iliz.

An hent bolitikel[kemmañ]

Da geñver Yann-Vari ne blegas biken dirak galloud hollveliek ar Vatikan betek mont d'an troc'h ha biken ne zistroio enni. Unan d'eus e oberennoù a vezo diskuilhet gant ar Pab Gregoar 16 d'ar 25 a viz even 1834. Gant un hent disheñvel e kendalc'h da vont etrezek ar re baour hag en dienezh met er-maez d'eus an Iliz dilennet ez eo da zanvez depute e 1848. Un den lies ez eo, kamalad gant an tu dehou pellañ ha kilstourmer met war ar memes-tro gant an dud reveulzierien pe araokourien anezho e toare Jord Sand. Degas a ra ur sell romantel avieler, prederour kredour ha demokratel. Sevel a raio a-enep al lezenn Falloux en 1850, ul lezenn war an deskadurezh bublik dindan an eil Republik C'hall. Dalc'hmat e gendalc'h gant ar stourm evit lakaat e pleustr an aviel a-enep d'ar bourc'hizien, da galloud an arc'hant, evit ar familh, an dud munut hag an demokratelezh. Goude taol-stad 1851 sevenet gant Loeiz-Napoleon Bonaparte prezidant ar Republik C'hall abaoe 1848 e chom sioul gant e obererezh bolitikel. Dindan selloù-strizh archerien an impalaeriezh emañ eñ.

Fin e vuhez[kemmañ]

Bevet en deus darn e vuhez dindan skeud e vreur Yann-Vari De La Mennais. Memes ur wech troc'het gant an Iliz e kendalc'has da zegas boued spered d'e vreur d'e sikour da vont gant e oberenn deskadurezh. D'ar c'hentañ a viz meurzh 1854 ez eo beziet gant ul lid sivil ha simpl e bez-boutin ar vered Tad Lachaise en Pariz. N'eo ket bet nac'het gant an impalaeriezh d'an dud d'e vont memes ma oa savet ar c'hoant. Ur mor a dud a vezo o vont gant an arched dreist-holl an dud munut hag a oa aze evit e drugarekaat da vezañ klaset d'o zifenn a-hed e vuhez. N'ez eus ket bet tamm lid katolik ebet tro-dro d'an intramant pezh a lak Yann-Vari De La Mennais da vezañ sabatuet bras. Gwasoc'h c'hoazh erruet ez eo re ziwezhat da gonfesiñ e vreur araok an anaon mantret e vezo da vat betek fin e buhez gant an darvoud-se.

Herezh[kemmañ]

Kredour don, kredour romantel leun a garantez evit an dud hag avieler d'eus ar c'hentañ, Félicité De La Mennais a zo bet un den dibleg gant an hent stourm a gemeras evit mat ar brashañ niver ha dreist-holl an dud munut. Ma chomas troc'h gant an Iliz ofisiel, a-benn ar fin e kendalc'has oberenn e vreur, avieliñ ha difenn ar re baour, met dindan un doare all ha bolitikel. Disoñjet ez eo bet hiziv an deiz.

Un timb a zo bet embannet en 1957 evit e enoriñ.

Levrlennadurezh[kemmañ]

Zavier Grall, Stèle pour Lamennais, adembannadur 2001 ti-moulañ Calligrammes. Kentañ embannadur en 1977 ti-moulañ libres-Hallier.

Claude Carcopino, Les doctrine sociales de Lamennais, Pariz, PUF, 1942

Liammoù diavaez[kemmañ]

http://www.infobretagne.com/lamennais-jean-marie.htm

Lec'hienn ofisiel ar skolioù hentenn De La Mennais

Skrid-buhez ofisiel Kambr broadel C'hall