Jean-Marie de Lamennais

Eus Wikipedia
Mont da : merdeiñ, klask
Traffic cone.png
Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ

Jean-Marie de Lamennais pe, ent-ofisiel Jean-Marie de la Mennais, a zo bet ganet d'an 8 a viz Gwengolo 1780 e Sant-Maloù (Breizh) ha marvet d'an 26 a viz Kerzu 1860 e Ploermael (Breizh).

Yaouankiz Yann-Vari De La Mennais[kemmañ]

An tad Per-Loeiz Robert a oa paramantour anezhañ e kêr Sant-Maloù. Nebeut araok ar Reveulzi C'hall e oa bet barradoù naonegezh drastus war kostez bro Sant-Malou ha Dinan (1782, 1786) , an tad a implijas nerzh e di kenwerzh da gas greun gwerzhet da goll paneveken roet d'an dud da gaout bara evit ar brashañ niver. Dre an oberenn-se e voe goulennet gant Breujoù Breizh tra ma vize roet un titladur a noblañs dezhañ evit e servij da vat ar vro hag ar bobl. E miz mae 1788, Loeiz 16 a roas an titladur dezhañ, an Aotrou Per-Loeiz Robert De La Mennais a vez graet d'eus outañ a-benn neuze.

E 1789, Gratienne-Jeanne Lorin mamm Yann-Vari De La Mennais a ya da anaoan, ouzhpenn d'ar c'holl-se e krog ar reveulzi c'hall. Mard eo ar familh digor a-walc'h d'ar mennozhioù nevez e chom sklaer an diaz gatolik ganti. An darvoud a lakao Yann-Vari De la Mennais da vont etrezek hent an Iliz a vezo ar Spont-Bras. Dre gwelet ar jahinerezh o sevel a-enep beleien e gorn-bro e-krog gant harpañ ha kuzhañ anezho a-feur ma bad ar mare spouronus e ya donoc'h gant ar Feiz. Dre e vuhez kefredel uhel, e vo douget da zifenn an Iliz a-enep da brederourion ar Sklêrijenn.

Yann-Vari De La Mennais en Iliz[kemmañ]

Goude bezañ beleget d'ar 25 a viz c'hwevrer 1804 en Roazhon e ya da gure en iliz-veur Sant-Maloù war ar memes-tro e vezo kelenner war ar Feizoniezh er seminar ha vikel-vras.Skuizh-divi e vez dre al labour fonnus a vez da gas da benn, rediet e vo da baouez ha da vont da repuiñ war douaroù ar familh. Adkavout a ra e vreur yaouankañ Felicite ha gantañ e kasont ar preder war stad an Iliz en o amzer hag ar cheñchamantoù ret a vize da zegas. Adkregiñ a ra gant e gargoù en Iliz met siwazh fall e ya an traoù gantañ, dre urzh Napoleon ez eo serret ar seminar ha dre ar blokus-kevandirel ez eo rivinet ar familh De La Mennais. Mont a ra a-du gant goulenn eskob Sant-Brieg dont a ra Yann-Vari da vezañ e sekretour.

Penn-kentañ ar bloavezh 1815 eskob Sant-Brieg a ya da anaon. Da 35 bloaz en em gav neuze Yann-Vari De La Mennais e-penn an eskopti. E-pad pemp ploaz e vezo adkavet o vont dre hentoù e eskopti dizehan oc'h adurzhiañ pep tra: ar seminarioù, ar manatioù, kemer a ra penn meur a visionoù war-zu ar bobl munut... Amañ e vezo bammet gant stad truezhus ar yaouankiz, ar c'hudennoù feulster graet dezho pe graet ganto, an niver bras a emzivad laosket da vont gant hent ar strad. Sur ez eo bremañ Yann-Vari De La Mennais gant daou a dra. Ret ez eo groñs da vont etrezek ar yaouankiz evit e saveteiñ ha gwellaat e stad truezhus, ouzhpenn da-se an deskamant ez eo a vez ar voger wellañ d'ar yaouankiz evit chom hep kenderc'hel da vont etrezek an hentoù hudur dazont ebet ganto.

E 1819 e vez anvet un eskob nevez e Sant-brieg, mont a ra Yann-Vari De La Mennais da Pariz e-lec'h ma voe karget da zibab un daou-ugent a eskibion evit Bro-C'hall. Nac'h a reas bepred bezañ eskobet e-unan avat. Etretant en deus diazezet gant an aotrou Gabriel Deshayes eus an Alre ur genvreuriezh a vo penn-kentañ kenvreuriezh "Breudeur ar Gelennadurezh Kristen" anavezet gwelloc'h dindan he lesanv "Breudeur Ploermael", e-lec'h m'emañ Ti-kreiz an urzh-se.

Gant e vreur Felisite de Lamennais e skrivas pennadoù a voe kondaonet gant Roma. Neuze e plegas Yann-Vari met e vreur a daeras betek terriñ gant an Iliz. Gouzañv kalz a reas Yann-Vari diwar an dra-se hag en em ouestlas neuze penn-da-benn da oberenn ar skolioù kristen. E 1851 e voe benniget an oberenn gant ar pab Pi IX ha da fin e vuhez e konted dija 800 breur.

Liammoù[kemmañ]

http://www.infobretagne.com/lamennais-jean-marie.htm

Lec'hienn ofisiel ar skolioù hentenn De La Mennais