Ergyng

Eus Wikipedia
Mont da : merdeiñ, klask

Ergyng a oa ur rouantelezh kozh eus Kembre lec’hiet er pezh a zo breman Herefordshire, etre ar stêrioù Monnow ha Wye. Enni e oa ivez un darn eus kontelezh Gwent hag ar gêr roman gozh Ariconium (Weston under Penvard) e oa he c’hêr-benn gentañ moarvat. Eus anv ar gêr-benn e teu anv ar rouantelezh.

E 474 e voe krouet gant Gwrfoddw Hen. A-raok-se e oa un darn eus rouantelezh Gwent. Ne badas ket pell he frankiz, avat, rak merc’h roue Glywys a zimezas da v-Meurig Gwent war-dro 570 ha goude 590 e voe unvanet Ergyng gant Gwent.

Adsavet e voe gant Erb ap Erbic ap Meurig, roue Gwent, evit e vab Pebiaw Gladrog ab Erb. E genderv, Gwrgan Fawr, e oa roue pennañ e renziad. War a greder, en deus kontrollet un darn vras eus Glamorgan, marteze betek ar stêr Neath. Ne badas ket ar rouantelezh goude marv he roue diwezhañ Athrwys ha staget e voe ouzh rouantelezh Gwent gant ar roue Meurig, a oa dimezet da verc’h Gwrgan Fawr.

Gant ar Saozon e voe staget he douaroù un tammig a-raok aloubadeg an Normaned.

Listenn rouaned Ergyng[kemmañ]