Danny Elfman

Diwar Wikipedia, an holloueziadur digor

Mont da : merdeiñ, klask


Danny Elfman a zo ur sonaozer filmoù amerikan bet ganet d'an 29 Mae 1953 e Amarillo (Teksas). Dimezet eo gant ar gomedianez Bridget Fonda.

Sonaozer muiañ karet Tim Burton eo. Savet en deus sonerezh eus pep brasañ e filmoù. E vouez a c'heller klevet ivez er Film Nightmare before Christmas. Jack eo pa gan, Barrel (unan eus an tri bugel) hag ar furlukin. E vouez a c'heller klevet ivez er film Charlie and the Chocolate Factory.

Savet en deus ivez ton The Simpsons krouet gant Matt Groening, tonioù Kontadennoù ar C'hleuz, The Flash ha Desperate Housewives.

Kanet ha sonet en deus er strollad Oingo Boingo, etre 1976 ha 1995. Seizh albom zo bet savet ganto. Un eizhvet, So-Lo a oa sinet gant anv Danny Elfman hepken. E-touez kanaouennoù brudetañ ar strollad emañ Weird Science, bet implijet er film (John Hugues, 1985) hag er rummad-film, ar memes titl ganto. Eno e sone gant unan eus e genlabourerien fealañ, Steve Bartek, a gendalc'h da skoazellañ anezhañ hiziv war e sonskridoù evit ar sinema.

E 2004 e savas ton pennañ ar c'hoari video Fable, renet gant Peter Molyneux, evit X-Box Microsoft. Ar peurrest eus ar sonerezh zo bet savet gant Russel Shaw.

D'an 23 a viz C'hwevrer 2005 en deus Danny Elfman tañvaet d'ur mod nevez da sevel ha kinnig e sonerezh. D'an deiz-se e Carnegie Hall e oa bet tu da glevet e sonskrid Serenada Schizophrana. Pedet e oa bet gant an American Composers Orchestra da sevel ur sonskrid evit bezañ sonet gant ul laz-seniñ. C'hwec'h lodenn zo d'ar sonskrid, savet evit laz-seniñ ledan, binvioù elektronek, daou biano ha laz-kanañ merc'hed.


[kemmañ] Roll ar filmoù

Adtapet diwar "http://br.wikipedia.org/wiki/Danny_Elfman"