Brezel Vietnam

Eus Wikipedia
Mont da : merdeiñ, klask

Brezel Viêt Nam e vietnameg Chiến tranh Việt Nam pe Eil brezel Indez-Sina pe c'hoazh Brezel talañ da Amerika e vietnameg Kháng chiến chống Mỹ.

Graet e vez kement-mañ eus ar bec'h a oa savet e-pad prantad ar Brezel Yen, e broioù Viêt Nam, Laos ha Kambodia, eus ar 1añ a viz Du 1955 betek kouezhadenn Saïgon d'an 30 a viz Ebrel 1975. Brezel a zo bet etre norzh komunour (harpet gant an URSS, China ha kevredidi komunourien) ha su kapitalour (harpet gant ar Stadoù-Unanet hag e gevredidi enep-komunour).

Heuliañ a ra kentañ brezel Indez-sina (1946-1954) kollet gant ar C'hallaoued en Dien Bien Phu.

Anvioù brezel Vietnam[kemmañ]

Hir ha don ez eo bet brezel Vietnam setu ma z'eo ganet kalz a c'heriaoueg liammet kren gant ar brezel 'se. Dre ma z'eus bet un toullad a vrezelioù en Indez-Sina e vez kavet anvioù kendeuzet gant ar re a gemeras perzh eni da simplaat ar gompren d'eus peseurt brezel a vez kaoz.

Evit ar Vietnamiz ez eo "Chiến tranh Việt Nam" (Brezel ar Viêt Nam) pe "Kháng chiến chống Mỹ" (Brezel talañ ouzh Amerika).

E-kostez an Amerikaned e vezo adkavet an anvioù "Brezel Viêt Nam" (Vietnam War) pe "Eil brezel Indez-Sina" (Second Indochina War ) pe "Vietnam Conflict" pe c'hoazh evit an ez-soudarded "The Nam".

Geriaoueg Brezel Vietnam[kemmañ]

Un hir a vrezel ez eo bet gant anvioù spis-tre.

Istor brezel Vietnam[kemmañ]

Soudarded Amerikan o pignaat en ur Bizaskell UH-1D "Huey" Vietnam bloavezh 1966

Evit talañ oberiantoù-kuzh ar Viet Cong e vezo kaset da benn an oberiadur brezel Ranch Hand o implij ar c'hontammer Orañjez un arm kimiek, ne ra forzh ar goust al lu Amerikan a fell dezhi bezañ trec'h.

A-feur ma z'eo bet dipitet hag enebet pobl Amerika da brezel Vietnam e grogas mare vietnamizadur ar brezel o welet engouestl troadegiezh lu Amerika mont war vihanaat ha laoskel lu su Vietnam da genderc'hel gant ar stourm enep-komunour e-unanig. Memes ma z'eo bet sinet skrid-emglev peoc'h Pariz gant an holl tuioù engouestlet er brezel d'ar 27 a viz genver 1973 e gendalc'has ar brezel dizehan.

Ar Stadoù-Unanet o kuitaat brezel Vietnam (1973-1975)[kemmañ]

Dre nerzh al lusk enebet da brezel Vietnam er Stadoù-unanet ha peurest bed ar C'hornôg, o welet enep-kultur ar bloavezhioù 1960 o vont war fonusaat, e baouezhas an engouestl eeun soudardel Amerikan. D'ar 15 a viz eost 1973 e vez votet Case–Church Amendment gant Kendalc'h Ar Stadoù-Unanet. Difenn a ra d'al lu Amerikan da genderc'hel gant brezeliañ er Vietnam, Laos ha Kambodia paneveken aotre Kendalc'h ar Stadoù-Unanet d'ar Brezidant.

Ne baouezh ket ar Brezel evit ar Stadoù-Unanet memestra ha kenderc'hel a ra da reiñ harp da Vietnam ar su dre an arc'hantaouiñ ha reiñ dafar brezel (betek ar c'hontammer Orañjez).


Vietnam, 1975, oberiantiz brezel Eagle Pull & Frequent Wind (terc'hadeg Saigon)

Dibenn brezel Vietnam[kemmañ]

Aet e oa an trec'h gant an norzh, ha kuitaet e voe Indezsina gant an Amerikaned dindan ur stumm feukus ha stroñs evit pobl Amerika o welet skeudennoù tec'hadenn an Amerikaned ha lod Vietnamianiz d'eus kannadur ar Stadoù-Unanet e Saigon. D'an 30 a viz ebrel 1975 da 3 eur hanter diouzh an abardaez ez eo echu gant Vietnam ar su gant kouezhadenn Saigon. Embannet e voe ur gouarnamant komunour e su ar vro ha staget ouzh norzh d'an 2 a viz gouere 1976 d'ober Republik Sokialour Viêt Nam.

Milionoù a boat-people a glask terc'hout ar vro e-pad an dek vloaz war-lerc'h 250 000 anezho a zo aet da anaon war vor hervez Komiserdi meur ar vroadoù-unanet d'ar repuidi.

Feukus da vat ez eo bet brezel Vietnam d'ar bobl Amerikan ha peurrest ar bed ha kemet-mañ dre meur a abeg:

  • Kollet ez eo bet ar brezel ar pezh a chom hiziv a deiz c'hoazh ur glizenn en Istor Amerikan.
  • 58 177 soudarded marvet, 153 303 mac'hagnet don kolloù ramzel, ar re uhelañ gant lu Amerika abaoe an Eil brezel-bed.
  • 7,08 milion a donennoù bombezennoù a zo bet stlapet e-pad ar brezel (da geñveriañ gant an 3,4 milion a donennoù bet stlapet gant an holl Gevredidi war holl tachennoù emgann an Eil brezel-bed) dindan un doare dizehan ha dall o lazhañ siviled nemetken evit ul lod bras.
  • Implij armoù-spont evel an Napalm, bombezadegoù ramzel ar c'hirri-nij B52, implij ar c'hontammer Orañjez.
  • Lazhadegoù-sivil ha muntroù-brezel e-leizh ha gant an holl tuioù engouestlet er brezel.
  • Ar wech kentañ e vefe ken taolennet ur brezel gant ar gelaouennerien, dreist-holl a-fed poltriji ha filmoù kelaouiñ skrijus o tiskouezh gwirvoud ar brezel.
Biñsaskell Amerikan Bell UH-1 Huey distrujet

Ar sinema ha brezel Vietnam[kemmañ]

Diaes ez eo bet gant ar sinema da vont etrezek brezel Vietnam. An nebeut a filmoù betek ar bloavezhioù 1970 a oa reoù propaganda arc'hantouet gant al lu Amerikan. Adal ar bloavezhioù 1970 e grogo saverien filmoù kalonek da vont etrezek ur sell gwirion war ar brezel 'se met hep harp arc'hant ha prest dafar brezel an arme Amerikan (The Deer Hunter, Apocalypse Now). Er bloavezhioù 1980 e grogo ul lod film da vont etrezek brezel Vietnam gant ur sell broadelour-tre ar re 'se a vezo sikouret kalz gant al lu Amerikan (Rambo II, We were soldiers).

Un heulienn skinwell a zo bet war brezel Vietnam

C'hoarioù video ha Brezel Vietnam[kemmañ]

C'hoarioù e-leizh o d'eus kroget da vezañ awenet gant Brezel Vietnam fin ar bloavezhioù 1990 ha penn-kentañ ar bloavezhioù 2000 araok e seblante bezañ diaes da lakaat aergelc'h ar brezel 'se da vezañ c'hoariet evel ma oa gant ar sinema da daolenniñ ar brezel 'se.

Liammoù diavaez[kemmañ]

US Military Operations: Casualty Breakdown

Brezel Vietnam lec'hienn History Channel


Commons
Muioc'h a skeudennoù diwar-benn

a vo kavet e Kerandafar.