Bae Gdańsk

Bae Gdańsk (Zatoka Gdańska e poloneg, Gduńskô Hôwinga e kachoubeg, Danziger Bucht en alamaneg) zo ur bae er Mor Baltel. Dont a ran e anv eus hini porzh Gdańsk e Polonia.

Douaroniezh

Stummet eo Bae Gdańsk gant ur blegenn eus an aod etre Ledenez Hel, e Pomerania, er c’hornôg, ha ledenez Sambia, e rannvro Kaliningrad, er reter. E goueled ar bae ez eus ul loc'h stummet gant dourioù ar stêr Wisła ha dispartiet diouzh Bae Gdańsk gant un erv hir, digor un tammig dre strizh-dour Baltiysk.

Un draezhenn war aod Bae Gdańsk.

Meur a borzh bras a gaver war aod Bae Gdańsk : Kaliningrad, Gdańsk, Gdynia, Puck, Sopot, Hel, Primorsk ha Baltiysk. Er bae en em daol dourioù ar stêr Wisła, war-eeun dre veur a skourr, ar stêr Leniwka, ar stêr Śmiała Wisła hag ar stêr Martwa Wisła, hag ivez, en un doare dieeun, dre loc'h ar Wisła.