Wikipedia:Margodenn

Eus Wikipedia

Politikerezh ofisiel


Degemeret eo bet ar bajenn-mañ evel unan eus politikerezhioù ofisiel ar Wikipedia brezhonek. Asantet eo en un doare ledan gant kenlabourerien ar raktres, hag ez eo ur reolenn a rankfe bezañ heuliet gant holl implijerien ar raktres. Trugarez deoc'h eta da chom hep embann ar bajenn-mañ hep bezañ gwiriekaet en a-raok e touj ho kemmoù d'ur c'henemglev ledan. Ma n'oc'h ket sur, lakait ho soñjoù kentoc'h war ar bajenn gaozeal da gentañ.


Pennaennoù ha politikerezhioù diazez


Tennañ a ra ar pennad-mañ da bennaennoù diazez ar Wikipedia.
Mat eo d'an holl implijerion/ezed o anaout, o c'hompren ha doujañ dezho.



Margodenniñ


E berr gomzoù[kemmañ ar vammenn]

Difennet eo d'an den implijout meur a gont evit reiñ da grediñ ez eus meur a implijer o skrivañ, gant ar soñj reiñ muioc'h a bouez d'un tem bennak a dabuter diwar e benn, da votiñ a-du pe a-enep tra pe dra, pe da vont e-biou d'ur gont bet stanket. Difennet eo goulenn ouzh tud anavezet gant an-unan krouiñ kontoù a-ratozh-kaer evit sevel a-du gant an-unan pe evit levezoniñ dibaboù stroll ivez.

Digoradur[kemmañ ar vammenn]

"Margodennoù" a reer eus anvioù an iskontoù disheñvel gant bep a anv disheñvel a ra ur Wikipediour/ez ganto. Erbedet eo d'an implijerien chom hep margodenniñ, da lâret chom hep krouiñ meur a gont, kuit da vezañ anavezet, nemet evit abegoù arbennik a c'haller displegañ a vefe.

Goulenn a reer ouzh an holl implijerion/ezed chom hep krouiñ meur a gont evit ma vefe reizh disoc'h an dilennadegoù ha votadegoù all hag ivez evit gallout lakaat e pleustr stankadennoù evit gwareziñ ar raktres pa sav reuz.

N'eo ket difennet krouiñ meur a gont met difennet groñs eo o implijout evit margodenniñ, da lâret eo ez-strizh evit hañvalout bezañ meur a den a-benn pouezañ war an divizoù kemeret war ar Wikipedia en un doare direizh.

Pa vez krouet meur a gont gant ar memes implijer/ez e c'houlenner oute sevel liammoù etre ar c'hontoù-se en ur lakaat sklaer piv eo an implijer/ez kiriek dezhe.

Diorroadur[kemmañ ar vammenn]

Abegoù evit stankañ lieskontoù[kemmañ ar vammenn]

Dre ret e vo stanket diouzhtu gant ur merour hep tamm rakkemenn ebet al lieskontoù (meur a gont dindan kiriegezh an hevelep implijer/ez) seul wezh ma vo implijet ar c'hontoù-se evit margodenniñ. Stanket e vo an holl iskontoù ha stanket e c'hello bezañ ar gont pennañ ma vez ret ivez.

Mar kav d'un implijer/ez bennak ez eus bet implijet lieskontoù evit margodenniñ e ranko displegañ e abegoù dre mont e darempred gant unan eus ar verourion war-eeun pe dre leuskel ur c'hemenn war ar bajenn-mañ: Goulenn ouzh ar verourion.

A-wezhioù n'eo ket sklaer piv a zo a-drek d'ar gont-mañ'r-gont ha ma sav ur gudenn diwar implij didereat lieskontoù e c'hello ar verourion goulenn goût petra eo ar chomlec'h IP implijet gante reked gwiriekaat identelezh un implijer/ez (Notenn: betek-henn n'eus implijer/ez ebet war ar Wikipedia e brezhoneg ganti/añ ar galloud-se, abalamour da se eo ret mont da c'houlenn war al lec'hienn-mañ war ar Wikipedia e saozneg).

Implijoù difennet evit lieskontoù[kemmañ ar vammenn]

Daoust ha ma vez erbedet ouzh an implijerion/ezed chom hep krouiñ meur a gont (lieskontoù) n'eo ket difennet en ober. Difennet eo implijout lieskontoù evit kas da benn oberoù hag a savfe a-enep da reolennoù ha pennaennoù mont-en-dro diazez ar Wikipedia avat.

Votadegoù hag argerzhadurioù kenasant all[kemmañ ar vammenn]

Evit tizhout kenemglevioù hag ivez evit votiñ en dilennadegoù pe er mouezhiadegoù all hag en holl ergerzhadurioù ma vez klasket goût savpoent pe ali an implijerion/ezed e ranker doujañ war ar Wikipedia d'ar bennaenn diazez "un den = ur vot". Difennet-groñs eo neuze implijout lieskontoù evit lakaat seurt argerzhadurioù da vont war un tu bennaket en un doare direizh.

Ouzhpenn bezañ difennet implijout lieskontoù evit mouezhiañ meur a wezh eo difennet ivez o implijout evit ma hañvalfe e savfe muioc'h a dud a-enep pe a-du gant ur savpoent pe un ali resis.

Klask labourat dre guzh[kemmañ ar vammenn]

Arabat implijout lieskontoù evit klask kuzhat ouzh ar gumuniezh peseurt labour a vez kaset da benn gant peseurt implijer/ez. Ar gwir o deus an impliejrion/ezed all da gompren peseurt labour a vez graet gant an implijerion/ezed all ha rankout a ra pep hini bezañ kiriek evit al labour kaset da benn gantañ/i, da skouer ar pennadoù boulc'het gantañ/i, ar pennadoù bet kemmet gantañ/i hag an evezhiadennoù bet graet gantañ/i war ar pajennoù kaozeal.

Kontoù fur ha kontoù reuz[kemmañ ar vammenn]

Difennet-groñs eo krouiñ lieskontoù a-ratozh-kaer evit plantañ reuz (kont reuz) dindan un anv all disheñvel diouzh hini ar gont pennañ implijet evit kas da benn all labour a-feson a-hend-all war ar raktres (kont fur). Difennet-groñs eo ivez d'ar verourion sevel seurt kontoù evit galloud kemer perzh en un tabut keit ha ma klaskont merañ an tabut-se en ur hañvalout chom neptu.

Klask mont e-bioù da stankadennoù[kemmañ ar vammenn]

Lakaet e vez da dalvezout ar politkerezhioù ofisiel dre implijer/ez ha n'eo ket dre gont. Stanket e c'hello bezañ ar gont pennañ ma implijer lieskontoù a-benn klask mont e-bioù d'ur stankadenn bet lakaet war an implijer/ez-se evit abeg pe abeg.

Lieskontoù merañ[kemmañ ar vammenn]

Difennet eo d'ur merour bennak krouiñ lieskontoù gante gwirioù merañ. Bez e c'hellont krouiñ lieskontoù evit ober an diforc'h etre o labour evel merourion hag o labourioù all war ar raktres evel implijerion voutin met n'hall bezañ o galloudoù merañ stag ouzh unan eus o c'hontoù war un dro nemetken. Pa vez krouet lieskontoù gant merourion e vez erbedet oute, muioc'h c'hoazh evit ouzh ar re all, disklêriañ e vez implijet ar c'hontoù-se gant ar memes den ha sevel liammoù sklaer kenetreze.

Implijoù dereat evit lieskontoù[kemmañ ar vammenn]

Daoust ha ma vez erbedet ouzh an holl chom hep krouiñ lieskontoù dre vras, bez' e c'heller krouiñ hag implijout lieskontoù evit kas da benn palioù dereat.

Isrannañ al labour ha surentez[kemmañ ar vammenn]

Bez' e c'hell un implijer/ez kaout c'hoant isrannañ al labour kaset da benn gantañ/i war ar Wikipedia dre grouiñ lieskontoù evit meur a abeg :

  • evit kas da benn labour war un dachenn resis ma vez labouret kalz warni en ur implijout ur gont disheñvel evit al labourioù war tachennoù liesseurt all;
  • pa vez laeret o zoupin gante;
  • evit kas da benn labour war un dachenn m'emañ brudet an implijer/ez-se evel un arbennigour warni evit gallout ober an diforc'h gant labourioù all kaset da benn gantañ/i war tachennoù all n'emañ ket ur mailh warne evit ma ne savfe ket divrud war e benn pe war he fenn e-keñver o labour arbennigour/ez;
  • evit chom neptu pa vezer o labourat war temoù tabutus evit ma ne gredo ket d'an dud all int temoù a denn outañ/i ez-personel

Bevennañ ha sioulaat tabutoù[kemmañ ar vammenn]

A-wezhioù e vez krouet hag implijet lieskontoù evit mont e-bioù da dabutoù war un dachenn bennak hag a c'hellfe sevel diwar o identelezh pe evit chom hep bezañ taget koulz war ar Wikipedia pe er-maez eus ar raktres. Bez' e c'hell un implijer/ez enrollet ober ar memes tra dre dilugañ ha neuze labourat war un dachenn resis evel un implijer/ez dianav evit labourioù berrbad. Arabat avat implijout seurt doareoù evit hañvalout bezañ un implijer7ez disheñvel evit margodenniñ.

Robotoù[kemmañ ar vammenn]

Erbedet e vez ouzh implijerion/ezed bet krouet robotoù gante sevel kontoù a-ratozh-kaer evit pep robot disheñvel diouzh o c'hontoù-implijer/ez personel evit gallout heuliañ gwelloc'h ha reizhañ an oberoù kaset da benn gant ar robotoù o-unan.

Kontoù doppelganger'[kemmañ ar vammenn]

Aotreet eo krouiñ meur a gont gante anvioù-implijer/ez heñvel ouzh hini un implijere/ez evit herzel ouzh implijerion/ezed all d'o c'hrouiñ ha d'o implijout. Kontoù doppelganger a vez graet eus ar c'hontoù-se ha ret eo dezhe chom dizimplij ha bezañ lakaet warne ur c'hemenn sklaer a zisklêr o fal ha gant ul liamm a gas davet ar bajenn bersonel pennañ.

Margodenniñ evit brudañ tabutoù ha klask skoazell[kemmañ ar vammenn]

Didereat eo brudañ tabutoù war ar stern war ar Wikipedia dre glask lakaat tud all da dont d'enrollañ a-ratozh-kaer evit pouezañ war an tabutoù-se hag evit o lakaat da vont war un tu pe un tu all. Didereat eo ivez goulenn ouzh mignoned/ezed, kerent hag all krouiñ kontoù evit sevel a-du gant un implijer/ez bennak war un tem resis, da skouer un tabut pe ur votadeg. Rankout a ra seurt kontoù-brudañ bezañ stanket raktal ha hep rakkemenn en ur gemenn abeg ar stankadennoù memes tra.

Penaos anavezout ha dont a-benn d'ur vargodenn[kemmañ ar vammenn]

Diaezet a-walc'h e c'hell bezañ dont a-benn da brouiñ ec'h implij un implijer/ez bennak meur a gont evit margodenniñ. Peurliesañ avat e c'hell bezañ souezhus gwelet un implijer/ez nevez-krouet gantañ/i ur gont nevez flimm-flamm kemer perzh e votadegoù, kaozeadennoù, tabutoù hag all en un doare aezet-tre hag o tiskwel anavezout mat mont-en-dro ar Wikipedia dre vras, da skouer o c'houlenn ma vefe didiverket rummadoù ha pennadoù zo.

A-wezhioù e teu da vezañ sklaer ez eus meur a den o labourat war an hevelep tu atav en ur sevel goulennoù hag oc'h ober evezhiadennoù heñvel-poch hag o sevel a-du pe a-enep d'an hevelep tabutoù bewech.

N'eo ket seurt heñvelderioù trawalc'h avat evit talvezout da brouennoù evit disklêriañ da vat ez eus un implijer/ez bennak oc'h implijout lieskontoù evit margodenniñ.

Ouzhpenn-se, ma vez boulc'het ha kemmet meur a bennad war un dachenn ledan (100 degasadenn pep hini d'an nebeutañ) e talvezfe kentoc'h evit diskwel n'eo ket lieskontoù dindan kiriegezh un implijer/ez nemetken met meur a impljer/ez gant bep o c'hont.

Bez' e c'heller goulenn ma vo gwiriekaat identelezh IP meur a implijer/ez evit goût hag-eñ emañ an hevelep implijer/ez oc'h implijout meur a gont disheñvel. N'eus nemet un nebeud tud bet aotreet da wiriekaat chomlec'hioù implijerion/ezed enrollet evit gwareziñ gwirioù prevezded an holl implijerion/ezed. N'eus betek-henn hini ebet bet aotreet d'en ober war ar Wikiedpia e brezhoneg. Evit goulenn ma vo gwiriekaet identelezh meur a implijer/ez a-benn klask goût hag-eñ int ar memes den pe get e ranker lakaat ur reked war ar bajenn-mañ war ar Wikiepdia e saozneg : Rekedoù gwiriekaat identelezh IP un implijer/ez. Ret eo diwall memes tra, rak bez' e c'hell un implijer/ez kaout meur a IP disheñvel, lakaomp ma labour dindan un anv er gêr ha dindan un anv all en ur siberkafe pe war he/e labour.

M'eo bet tamallaet deoc'h dre fazi bezañ ur vargodenn, arabat mont e fulor pe mont kuit diouzhtu. Kit e darempred gant an implijer/ez pe ar merour bet lakaet ar c'hemenn war ho pajenn bersonel ha displegit dezhe an abegoù. Sur-mat e vo kavet un diskoulm buan-ha-buan.

Lakaat war-wel kontoù-margodenniñ[kemmañ ar vammenn]

Bez' e c'heller lakaat ar patrom-mañ war pajenn bersonel un implijer/ez hag a c'hellfe bezañ ur vargodenn anezha/i:

Margodenn

Ur vargodenn eo an implijer/ez-mañ. Sellit ouzh ar bajenn gaozeal evit gouzout hiroc'h.

({{Margodenn}})

Gwelet ivez[kemmañ ar vammenn]