Vassily Kandinsky

Eus Wikipedia
Mont da : merdeiñ, klask
Vassily-Kandinsky.jpeg

Vassily Kandinsky (e ruseg : Василий Васильевич Кандинский) a zo ul livour rusian hag un damkanour arzoù, bet ganet e Moskov d'ar 4 a viz Kerzu 1866, marvet eo Neuilly-sur-Seine d'an 13 a viz Kerzu 1944.

E vuhez[kemmañ]

Kandinsky a oa mab ur marc’hadour Siberian. Pa oa yaouank-tre e kaozee rusianeg hag alamaneg. Studiañ a reas ar gwir e skol-veur Moskov. Ur wech echuet gant e studioù ez eas da Alamagn evit studiañ al liverezh. E 1896, ez eas da vMünchen evit studiañ er skol Aschbe. Eno e chomas betek 1898 ha war-lerc’h e akademiezh an Arzoù-Kaer (1900). Betek 1914 e livas Kandinsky damskeudennoù bihan ha fromus war ar prim, skeudennus-tre ha kinklus gant o livioù. Livañ a reas ivez oberoù awenet gant danevelloù divinerezh ha sujedoù marc’hegerezh an Arz nevez. E-pad ar bloavezhioù 1910, e veajas kalz hag e teuas en dro da vMoskov. Tra ma oa o labourat e Murnau e-kichen München, eus 1908 betek 1910 e tizoloas Kandinsky ur meizadur nevez eus ar spas hag al livioù. Krouiñ a reas neuze un doare nevez, frammet gant e livioù diwar ar framm, an taol-prim hag ar c’henaoz. E 1911 e kasas Kandinsky da benn e oberenn zifetis kentañ, embann a reas ul levr anvet Du spirituel dans l’art ha digeriñ a reas kevredigezh Der blau Reiter (ar marc'heger glas) gant F. Marc. Dont a reas en-dro da Voskov e-pad ar c’hentañ brezel bed. Eno e labouras evel kelenner. E 1921 ez eas en-dro da Alamagn evit labourat er Bauhaus. War-lerc’h ar c’hloazadur gant an nazied en em staliañ a reas e Pariz betek fin e vuhez.

Oberennoù pennañ[kemmañ]

  • Sans Titre (kentañ dourliverezh difetis, 1910, Pariz, mirdi broadel an Arz modern)
  • L’Almanach du Cavalier Bleu (1911)
  • Lyrique (1911, Rotterdam, mirdi Boymans-Van Beuningen)
  • Improvisation 19 (1911, München, Stadtische Galerie)
  • Tableau à l’arc noir (1912, Pariz, mirdi broadel an Arz modern)
  • Moscou I (1916, Moskov, Galiri Tretiakov)
  • Composition VIII (1923, New York, Guggenheim Museum)
  • Jaune, rouge, bleu (1925, Pariz, mirdi broadel an Arz modern)
  • Quelques Cercles (1926, New York, Guggenheim Museum)
  • Ensemble multicolore (1938, Pariz, mirdi broadel an Arz modern)
  • Bleu ciel (1940, Pariz, mirdi broadel an Arz modern)

Commons
Muioc'h a skeudennoù diwar-benn

a vo kavet e Kerandafar, ar sanailh ma vez klenket dafar ar Wikipedia.