Tindareos

Eus Wikipedia
Mont da : merdeiñ, klask

Tindareos (en henc'hresianeg Τυνδάρεως Tyndáreôs) a oa roue Sparta e mojennoù Hellaz kozh. Mab e oa da Oebalos (pe Perieres) ha Gorgofone (pe Bateia). Daou vreur en doa Tindareos, unan anvet Hipokoon (Ἱπποκόων), egile Ikarios (Ἰκάριος), a voe tad Penelope (Πηνελόπη).

Hipokoon[kemmañ | kemmañ ar vammenn]

Hipokoon a gemeras ar galloud hag a gasas Tindareos kuit eus ar vro. Repu a gavas Tindareos en Etolia, lec'h ma timezas gant Leda. Bugale o devoe: Kastor, Klitemnestra, Timandra, Foebe ha Filonoe; hi he devoa bet bugale all digant an doue meur Zeus : Elena Troia, ha Polideukes. Adlakaet e voe Tindareos war tron Sparta, gant skoazell Herakles, a lazhas Hipokoon hag e vibien koulz all, Lycon en o zouez.

Elena Troia ha brezel Troia[kemmañ | kemmañ ar vammenn]

Elena Troia,lezverc'h da Tindareos. Delwenn gant Antonio Canova.

Elena e oa ar bravañ plac'h bet biskoazh war an douar. Pa deuas Menelaus hag Agamemnon da Sparta, goude bet harluet eus Mikenai, e tegemeras Tindareos an daou baotr yaouank, ha da Venelas e roas dorn Elena, ha da Agamemnon hini Klitemnestra.


  1. Kimmelman, Michael (March 1, 2007). "Lights! Darks! Action! Cut! Maestro of Mise-en-Scène". The New York Times. Kavet July 11, 2009
    * Schjeldahl, Peter (February 12, 2007). "Venetial Brass". The New Yorker. Kavet July 11, 2009