Jacopo Tintoretto

Jacopo Tintoretto (1518-1594), zo ul livour italian, eus ar XVI^vet kantved, unan eus re vrudetañ skol Venezia, hag an hini diwezhañ eus livourien veur an Azginivelezh italian.

Anv

Jacopo Comin e oa e wir anv. Kement-se ne oa ket anavezet ken e oa bet kavet gant Miguel Falomir, penn kevrenn al livouriezh italian e Mirdi ar Prado e Madrid, hag embannet a-benn ar fin da-geñver diskouezadeg veur oberennoù Tintoretto er mirdi^[1].

En yaouank e veze graet Jacopo Robusti anezhañ, war-lerc'h e dad, abalamour ma oa un den kreñv a'r c'hreñvañ, hag en devoa difennet perzhier Padova a-enep soudarded an Impalaer santel.

Dont a ra e lesanv Tintoretto eus micher e dad, Battista Robusti, a laboure en ul liverezh dilhad (tintorìa en italianeg).

E vab Domenicho ivez a veze lesanvet heñvel.

Buhez

Ganet e oa d'an 29 a viz Gwengolo 1518 e Venezia, hag eno e varvas d'an 31 a viz Mae 1594.

Diskibl e oa d'al livour meur Tizian. Diouzh a lavarer e oa trec'h d'e vestr evit c'hoari gant al livioù hag ar skeudoù. Marteze eo se zo kaoz ma ne chomas nemet e-pad un toullad mizvezhioù gant ar mestr. Troet e oa gant doareoù ar mannierismo toskan ha Roman a veze skignet e Venezia gant tud evel Sansovino, Salviati ha Schiavone.

Il Furioso a veze graet anezhañ abalamour d'an nerzh a zispigne da livañ. E zoare da implij ar gouloù a rae anezhañ ur rakbarok en ur stumm. E-touez e oberennoù brudetañ emañ an aridennad livadurioù diwar-benn buhez Jezuz Nazaret ha Mari er Scuola Grande de San Rocco e Venezia, ma voe anvet da ginkler ofisiel anezhi en 1564.

Meur a oberenn zo bet skrivet gant Jean-Paul Sartre diwar-benn Tintoretto. Bri a zouge da Vichelangelo Buonarotti a levezonas e zoare da dresañ.

Oberennoù brudetañ Tintoretto eo al livadurioù en deus graet eus buhez Jezuz hag ar Werc'hez, er Scuola Grande di San Rocco,