Timbroù Tiriad an Alawited

Eus Wikipedia
Timbr Siria dreistmoullet 1926
Timbr gall dreistmoullet 1925

Ur rannvro eus Siria eo Tiriad an Alawited, bevennet gant Hatay (e su Turkia) ha Liban.

Melestradurezh gall ar postoù he doa digoret ur burev eno e 1852. E dibenn ar Brezel-bed kentañ eo dismantret an Impalaeriezh otoman hag eo fiziet an tiriad d’ar Frañs gant Kevredigezh ar Broadoù, evel ar peurrest eus Siria.

E 1925 e teu er-maez timbroù gall Dreistmoullet gant an anv ALAOUITES e galleg hag en arabeg, gant prizioù e piastr. Nebeut war-lerc’h e vez implijet timbroù Siria 1925 gant an hevelep dreistmoulladur divyezhek. 17 timbr zo embannet evit ar potst-dre nij, soulgarget gant tresadenn ur c’harr-nij.

Dont a ra Tiriad an Alawited da vezañ ur republik emren e 1930 dindan anv Latakia, porzh brasañ ar rannvro. Timbroù sirian dreistmoullet LATTAQUIE e lizherennoù latin hag en arabeg zo moullet adalek miz Gouere 1931.

D’an 28 a viz C’hwevrer 1937 eo staget an tiriad ouzh Siria ha timbroù ar Stad-se a vez implijet bremañ hep an disterrañ meneg ispisial.

Gwelet ivez[kemmañ | kemmañ ar vammenn]