Alawited
An Alawited (arabeg: ʿalawīy, علويّ, alawit), anvet ivez nousayried (nuṣayrī, نصيريّ, nousayrit) a zo ur boblad a-orin eus Djabal Ansariya e norzh Siria. Ar bobl-se a ya d'ober ur ranngredenn eus an islam chiit (ar pezh n'eo ket degemeret gant an holl chiited, met fatwahoù ’zo o deus disklêriet e oant), levezonet gant an ismaelianed. E-pad pell int bet lakaet da baganed gant ar sunnited ha kement-se betek an XXvet kantved. Alawit eo ar familh al-Asad a zo e penn Siria abaoe 1971.