The Slits
The Slits a zo ur strollad sonerezh punk breizhveuriat. Savet eo bet e 1976 gant izili daou strollad all : The Flowers of Romance ha The Castrators. An izili a oa Ari Up (Arianna Forster), Palmolive (Paloma Romera, hag a sonas goude-se e-barzh The Raincoats), hag ivez Viv Albertine ha Tessa Pollitt hag a erlec'hias Kate Korus ha Suzy Gutsy, hag a oa bet e-touez diazezerezed ar strollad. Palmolive a voe erlec'hiet gant an tabouliner anvet Budgie (anv gwir Pete Clarke), hag a oa bet ezel eus The Spitfire Boys hag a sonas goude-se gant Siouxsie and the Banshees.
Istor ar strollad
[kemmañ | kemmañ ar vammenn]Pa voe krouet ar strollad e sone sonerezh punk eeun. Treiñ a reas er Rouantelezh-Unanet asambles gant The Clash (troiad 1977 anvet White Riot) hag ivez Buzzcocks ha Subway Sect (gwelout teulfilm Don Letts anvet The Punk Rock Movie). Son kriz ar strollad (a glever ivez war ar Peel Session enrollet gantañ) a voe kempennet da vat pa grogjont da vezañ dedennet gant ar sonerezh reggae ha dub, evel ma klever war o fladenn vras gentañ anvet Cut savet e 1979, produet gant Dennis Bovell hag embannet gant (Island Records). En noazh emañ izili ar strollad war golo ar bladenn, war-bouez fank ha tammoù feur loened. Son ar strollad a gemmas da vat hag e teuas da vezañ tost ouzh ar sonerezh-arnodiñ hag avant-garde e penn-kentañ ar bloavezhioù 1980, pa genlabouras gant The Pop Group. Ar memes tabouliner (Bruce Smith) o doa an daou strollad, ha lakaat a rejont embann ur bladenn split anvet "In The Beginning There was Rhythm" / "Where There's A Will" (Y Records). Kalz a sonadegoù a roas ar strollad, ha lakaat a reas embann un eil pladenn, Return Of The Giant Slits he zitl, a-raok bezañ divodet.
Raktresoù all
[kemmañ | kemmañ ar vammenn]Kate Korus a savas The Mo-dettes e 1979. Meur a ezel eus Slits a gemeras perzh er raktres anvet New Age Steppers, asambles gant arzourien all evel Steve Beresford ha Neneh Cherry. E-touez ar re entanet gant ar strollad e oa Johnny Rotten, Frank Zappa[1] ha John Peel. Albertine a labouras ivez gant Singers & Players and The Playgroup. Ari Up a genlabouras gant Rip Rig & Panic, The Slackers ha Dubblestandart e-touez ur bern re all.
Advodet
[kemmañ | kemmañ ar vammenn]Ari Up ha Tessa Pollitt a savas ar strollad en-dro e 2005, hag e 2006 e teuas er-maez ar bladenn EP anvet "Revenge Of The Killer Slits". War ar bladenn-se e son Paul Cook (bet ezel eus Sex Pistols) ha Marco Pirroni (bet ezel eus Adam & the Ants hag eus Siouxsie and the Banshees). Sikouret o deus ivez produiñ ar bladenn. Merc'h Cook, Hollie hec'h anv, a zo er strollad : seniñ a ra kenaozer hag e kan ivez. Evit ar wech kentañ abaoe 25 bloaz e sonas ar strollad er Stadoù-Unanet e 2006, an droiad a voe anvet "States of Mind". E 2007 e sonas en Aostralia hag e tistroas d'ar Stadoù-Unanet. Eno e tigoras abadenn Sonic Youth e McCarren Park Pool (New York)[2]. Un droiad vihan a voe aozet e Japan e miz Here 2007. E 2008 e troas en-dro ar strollad er Stadoù-Unanet. Adele Wilson az eas kuit, ha No a voe erlec'hiet gant ar gitarourez amerikan Michelle Hill. Ar strollad a sonas ivez e-pad Ladyfest (Manchester) e miz Du 2008 hag en Astoria (Londrez) e miz Kerzu 2008. Ar vurutellerez sonerezh anvet Zoe Street Howe a zo o prinetiñ ul levr diwar-benn ar strollad hag ar bladenn Cut. Raktreset eo dont er-maez e-kerzh ar bloavezh 2009, a-benn klotañ gant 30 vloaz embannadenn ar bladenn. Viv Albertine (gitar) a zo meneget e-touez izili ar strollad war e bajennad Myspace abaoe miz Genver 2009.
Izili ar strollad
[kemmañ | kemmañ ar vammenn]- 1976 :
- Ari Up - kan
- Kate Korus - gitar
- Suzy Gutsy – gitar boud
- Palmolive - taboulinoù
- 1976-1978 :
- Ari Up - kan
- Viv Albertine - gitar
- Tessa Pollitt – gitar boud
- Palmolive - taboulinoù
- 1979 :
- Ari Up - kan
- Viv Albertine - gitar
- Tessa Pollitt – gitar boud
- Budgie - taboulinoù
- 1980-1981 :
- Ari Up - kan
- Viv Albertine - gitar
- Tessa Pollitt – gitar boud
- Bruce Smith - taboulinoù
- 2006 :
- Ari Up - kan
- Hollie Cook - kan
- NO - gitar, kan
- Tessa Pollitt – gitar boud
- Anna Schulte - taboulinoù
Pladennaoueg
[kemmañ | kemmañ ar vammenn]Pladennoù bras
[kemmañ | kemmañ ar vammenn]- Cut (Island Records, 1979)
- Return of the Giant Slits (CBS, 1981)
- Revenge Of The Killer Slits (EP),(2006)
Pladennoù enrollet war al leurenn (live)
[kemmañ | kemmañ ar vammenn]- Bootleg Retrospective (Rough Trade, 1980)
- Live at the Gibus Club
- Typical Girls - Live in Cincinnati & San Francisco USA (Basic Records, 1980)
Dastumadoù
[kemmañ | kemmañ ar vammenn]Pladennoù bihan
[kemmañ | kemmañ ar vammenn]- "Typical Girls"/"I Heard It Through the Grapevine" (Island, 1979) R.U #60
- "In The Beginning There Was Rhythm" (split single gant The Pop Group), (Y Records/Rough Trade, 1980)
- "Man Next Door" (Y Records/Rough Trade, 1980)
- "Animal Space" (Human Records, 1980)
- "Earthbeat" (CBS, 1981)
Notennoù
[kemmañ | kemmañ ar vammenn]- ↑ Frank Zappa (atersadenn), The Dick Cavett Show 1980 (PBS)
- ↑ Slits Set for U.S. Summer Tour Pitchfork, 6 a viz Gouere 2007.
Liammoù diavaez
[kemmañ | kemmañ ar vammenn]
- The Slits Lec'hienn ofisiel
- Punk 77 - The Slits
- Women of 1970's Punk The Slits
- 3am Magazine Atersadenn Tessa Pollitt
Video
[kemmañ | kemmañ ar vammenn]- PUNKCAST#1062 Live @ Syrup Room, Brooklyn, 3 a viz Du 2006 (Realplayer, mp4)
- PUNKCAST#1184 Live @ McCarren Park Pool, Brooklyn, 28 a viz Gouere 2007 (Realplayer, mp4)
Levrlennadur
[kemmañ | kemmañ ar vammenn]- Guinness Book of British Hit Singles – 16vet embannadenn
- Guinness Book of British Hit Albums – 7vet embannadenn