T-34
T-34 a oa anv ur c'harr hobregon kreiz a orin eus an URSS en devoa degaset kemmoù meur e-keñver diorroadur an tankoù. Daoust ma voe digoulzet e hobregon hag e armamant e fin ar brezel, lakaet e vez war-raok evel en tank efedusañ, ha gant ar muiañ a levezon war an doare da sevel tankoù adalek an Eil Brezel-bed. Pa voe savet an T-34 e oa an tank en doa ar muiañ a hobregon, tizh, armamant hag a chome aes da sevel hag implij eus an holl doareoù kirri-hobregonet bet produet betek-henn.