Steyr M1912 (pistolenn)
| Steyr M1912 | |
|---|---|
 Ur bistolenn Steyr M1912, ganti he laonenn-gargañ hag ur voestad kartouchennoù 9 × 23 mm Steyr | |
| Kinnig | |
| Bro orin |  Aostria-Hungaria |
| Doare | Pistolenn damaotomatek |
| Mont en-dro | Tennata dre argil berr ar c'hanol |
| Munisionoù | 9 × 23 mm Steyr (stumm orin) 9 × 19 mm Parabellum |
| Produerien | Steyr-Mannlicher |
| Mare produiñ | 1912 - bloavezhioù 1920 |
| Skouerennoù produet | Etre 250 000 ha 313 000 |
| Perzhioù teknikel | |
| Mas (hep kartouchenn) | 1,2 kg |
| Hirder | 216 mm |
| Hirder ar c'hanol | 128 mm |
| Hed-tenn pleustrek | 50 m |
| Tizh ar boledoù V0 | 375 m/s |
| Endalc'h | Karger diabarzh 8 kartouchenn pourvezet gant ul laonenn-gargañ Stummoù Doppelpistole M1912 ha Repetierpistole M1912/P16 : karger diabarzh 16 kartouchenn pourvezet gant ul laonenn-gargañ |
| Adstummoù | 9 mm Pistole 12 (ö) Doppelpistole M1912 Repetierpistole M1912/P16 |
| Lezenn | |
| Rummad e Bro-C'hall | B |
Ar Steyr M1912, anvet ivez Steyr-Hahn, zo ur bistolenn damaotomatek ijinet gant an embregerezh Steyr-Mannlicher ha produet gantañ adalek 1912. Arm-dorn standart arme Aostria-Hungaria e voe da vare ar Brezel-bed Kentañ. Kambret e oa da gentañ e 9 × 23 mm Steyr. Goude an Anschluss e 1938 e voe adkambret war-dro 200 000 skouerenn anezhi evit ar c'hartouchennoù 9 mm Parabellum implijet en arme alaman[1]. Anvet e voe an arm Pistole 12 (ö) e nomenkladur ar Wehrmacht.
Ijinet e voe adalek 1908-1909, ha breouet e voe he stumm kentañ e 1911 gant an ÖWG[2]. He c'hanol a dro evit morailhañ he c'hulasenn. Diabarzh eo he c'harger 8 kartouchenn : pourveziet eo gant ul laonenn-gargañ. Gellet a ra bezañ implijet he flatinenn e mod un-ober a-drugarez d'he c'hi diavaez.
Implij ha produiñ
[kemmañ | kemmañ ar vammenn]Etre 250 000 ha 313 000 skouerenn eus ar Steyr M1912 a voe produet etre 1912 ha 1945. Lod anezhe a servijas da bolis Aostria er bloavezhioù 1940[3]. Prenet e voe ivez gant armeoù Chile, Roumania ha Bavaria, ha produet e voe un nebeud anezhe evit ar marc'had sivil [2]:
Chile : 5 000 skouerenn urzhiet evit an arme e 1912.
Roumania : 50 000 skouerenn urzhiet e 1912. Ul lodenn anezhe, ha ne oa ket bet kaset da Roumania c'hoazh, a voe seziset gant Aostria-Hungaria e sizhunvezhioù kentañ ar Brezel-bed Kentañ.
Aostria-Hungaria : urzhiadenn gentañ evit an arme e dibenn 1914. Etre 181 140 ha 202 500 skouerenn a voe produet evit arme ar vro betek 1918. E 1919, etre 18 000 ha 23 000 pistolenn a voe produet evit pourveziañ Republik Aostria alaman nevez-c'hanet.
Bavaria : 1 000 skouerenn adalek miz Even 1916 ; 9 000 skouerenn betek miz Ebrel 1917 ; 6 000 skouerenn e 1918.- War-dro 5 500 skouerenn eus ar Steyr M1912 zo bet produet evit ar marc'had sivil e 1913.
.svg){kind=small}
Levrlennadur
[kemmañ | kemmañ ar vammenn]- (de) MÖTZ Jozef, SCHUY Joschi, Vom Ursprung der Selbstladepistole: Repetier- und Selbstladepistolen in Österreich-Ungarn 1884 bis 1918, Mag. Mötz, 2007, 862 p., ISBN 978-3950234206
Daveennoù
[kemmañ | kemmañ ar vammenn]- ↑ (fr) McNAB Chris, Armes à feu Encyclopédie visuelle, L'Imprévu, 2022, p. 78
- 1 2 (fr) BARRET Marc, Le pistolet Steyr-Hahn Mod. 1912, Cibles n°661, miz Gouere 2025, pp. 38-42
- ↑ (en) MC COLLUM Ian, RIA: Steyr-Hahn Pistol Variations, Forgotten Weapons, 02/06/2016 (lennet d'an 22/05/2025)
