Steven Klein

Steven Klein (30 a viz Ebrel 1965) a zo ul luc'hskeudenner stadunanat a zo o chom e New York.

Buhez

Goude studiañ al livouriezh e SKol Design Rhode Island e stagas gant al luc'hskeudenniñ. Skeudennoù bruderezh a voe savet gantañ evit merkoù evel Calvin Klein, D & G, Alexander McQueen ha Nike. Kemer perzh a ra ivez e kelaouennoù evel Vogue, iD, Numéro, W hag Arena. Meur a wech eo bet diskouezet e oberennoù, e diskouezva Gagosian, e California hag e diskouezva Brancolini Grimaldi Firenze. Kenlabouret en deus ivez gant tud evel Madonna, Tom Ford, Brad Pitt evit ar gelaouenn amerikan W. Alies e labour gant ar sevener David Devlin. Gantañ eo bets avet luc'hskeudennoù trede pladenn Britney Spears. D'an 3 a viz Mae 2010 ec'h embannas Lady GaGa e Facebook hag e Twitter e vefe savet videoklip he c'hanaouenn Alejandro gant Klein.

X-STaTIC PRO=CeSS

E 2003 e kenlabouras Klein gant Madonna a-benn sevel ur staliadur luc'hskeudennoù titlet X-STATIC PRO=CESS. Ouzhpenn al luc'hskeudennoù e oa seizh video ivez. Diskouezet e voe ar staliadur etre an 28 a viz Meurzh hag an 3 a viz Mae 2003 e New York Gallery, Deitch Projects. Goude-se e voe diskouezet er bed a-bezh, met kemmet e voe e stumm. Dont a ra anv an diskouezadeg eus "X-Static Process", un ton a zo er bladenn "American Life" (2003) gant Madonna.

Video

Videoioù skignet e-pad sonadegoù

Madonna — "The Beast Within" (2004, Re-Invention World Tour)
Madonna — "Vogue" (2004, Re-Invention World Tour)
Madonna — "Future Lovers"/"I Feel Love" (2006, Confessions Tour)
Madonna — "Get Together" (2006, Confessions Tour)
Madonna — "Music Inferno" (2006, Confessions Tour)
Madonna — "Human Nature" (2008–2009, Sticky & Sweet Tour)
Madonna — "Get Stupid" (2008–2009, Sticky & Sweet Tour)

Klipoù video

Lady Gaga — "Alejandro" (2010)

Bruderezh

Rihanna — Armani Jeans (2011)
Lady Gaga — Fame (2012)

Liamm diavaez

http://www.stevenkleinstudio.com/ Lec'hienn ofisiel Steven Klein