Britney Spears

Eus Wikipedia
Sauter à la navigation Sauter à la recherche
Britney Spears, deuet hec'h anv-badez eus Brittany, anv saoznek Breizh.

Britney Spears, ganet d'an 2 a viz Kerzu 1981, zo ur ganerez, aktourez ha korollerez stadunanat. Ganet e McComb, Mississippi, met desavet e Kentwood, Louisiana, aktourez eo bet war al leurenn pe evit abadennoù skinwel pa oa hi bugel. Goude-se e sine ur c'hevrad gant Jive Records e 1997. Kentañ hag eil pladenn studio Spears, ...Baby One More Time (1999) hag Oops!... I Did It Again (2000), a voe brudet mat dre ar bed a-bezh. Deuet e oant da vezañ ar pladennoù gwerzhet ar muiañ gant un arzour e-unan evit ar grennarded. E 2001, Spears a embanne ur bladenn studio an trede hini gant e anv, Britney. Ouzhpenn-se e c'hoarie ar roll pennañ er film Crossroads (2002). Evit he pevare pladenn studio e oa e-penn ar c'hrouiñ penn-da-benn, In the Zone (2003), brudet mat e voe dreist-holl dre ar ganaouenn "Toxic".

Britney Spears dre kudennoù personel lies e oa bet rediet da reiñ un harz difin d'he micher e 2007. Ar pemvet pladenn studio, Blackout, a oa embannet e 2007, kanaouennoù lies a voe brudet mat evel "Gimme More" pe "Piece of Me". He doareoù bevañ o vont war fallaat kement hag e mondone etre an ospitalioù a voe ledet war ar bloavezh a-bezh. Ken fall e oa he stad dezhi ma voe savet ur c'huratelezh, hag a gendalc'h betek an deiz-ha-hiziv.

Kristenien e oa he zud. E deroù he buhez vicherel e tifennas Britney Spears talvoudoù mirourien SUA. Embann a rae bezañ gwerc'hez, hag a-enep an darempredoù reizhel a-raok an eured, rak ar briedelezh emezi a zo un « ensavadur sakr ».

Alies e vez c'hoariet gant skeudenn ar vaouez selsi gant Britney Spears evel e-pad ar Femme Fatale Tour