Steenwerk

Kumunioù Frañs
Steenwerk
Bourc'h Steenwerk
Anv	Steenwerk
Anv ofisiel	Steenwerck
Lec'hiadur
Riez	Frañs
Rannvro	Hauts-de-France
Departamant	Norzh
Bro hengounel
Arondisamant	Dukark
Etrekumuniezh	Monts de Flandre – Plaine de la Lys
Kanton	Belle-Biz
Kod INSEE	59581
Kod post	59181
Maer	Joël Devos
Amzer-gefridi	2008-2014
Gorread	27,47 km²
Led	50° 45' 50" Norzh
Hed	02° 43' 21" Reter
Uhelder kreiz	16 m
Uhelder bihanañ	13 m
Uhelder brasañ	19 m
Poblañs hep kontoù doubl	3 391 (2007)
Stankter	123 a./km²
Lec'hienn ar gumun

Steenwerk (e galleg:Steenwerck ) a zo ur gumun eus Flandrez Frañs, e departamant Norzh, en Hanternoz Bro-C'hall.

Istor

XX^vet kantved

Brezel-bed kentañ:

• nepell ag an talbenn edo Steenwerk betek penn-kentañ miz Ebrel 1918. Kemeret e voe gant an Alamaned neuze. Tapet e voe gant an 23rd Lancashire Fusiliers (lu ar Rouantelezh-Unanet) d’an 2 a viz Gwengolo 1918 en-dro. Distrujet razh e voe an iliz katolik hag ar gêriadenn. Tremen 4 700 soudard a zo douaret er gumun;
• roet e voe ar Groaz Brezel 1914-1918 d'ar gumun e 1920

.

Eil Brezel-bed: dieubet e voe ar gumun gant lu ar Rouantelezh-Unanet d'ar 6 a viz Gwengolo 1944.

Monumantoù ha traoù heverk

Iliz katolik Sant-Yann-Vadezour, 1928

Bezioù ha beredoù ar Brezel-bed kentañ

Bered alaman: Kriegsgräberstätte Steenwerck

2 048 soudard alaman a zo douaret enni .

Bezioù ar C'hommonwealth e bered ar gumun

Bro	Niver a soudarded
Afrika ar Su	1
Rouantelezh-Unanet	11
Hollad	12

Marvet int e-pad ar Brezel-bed kentañ.

Bered ar C'hommonwealth: Croix-du-Bac British Cemetery

Bro	Niver a soudarded
Aostralia	11
Rouantelezh-Unanet	537
Zeland-Nevez	5
Hollad	554

Ur vered ag ar Brezel bed kentañ eo. Digoret e voe ar vered gant unanadoù stourm ha gant klañvdioù-brezel e miz Gouere 1916. Implijet e voe betek penn-kentañ miz Meurzh 1918. D’an 10 a viz Ebrel 1918 e voe kemeret Trois Arbres gant al Lu alaman. Tapet e voe gant an 23rd Lancashire Fusiliers d’an 2 a viz Gwengolo 1918 en-dro. Un nebeud bezioù ouzhpenn a voe graet e miz Here 1918. Goude arsav-brezel an 11 a viz Du 1918 e voe degaset bezioù eus tachennoù-emgann.

Bered ar C'hommonwealth: Le Grand Beaumart British Cemetery

Bro	Niver a soudarded
Kanada	1
Rouantelezh-Unanet	552
Hollad	553

Ur vered ag ar Brezel-bed kentañ eo. Adalek an 10 a viz Ebrel 1918 hepken en em gavas Steenwerk gant ar brezel, pa voe tapet gant al Lu alaman. Chom a reas gantañ betek penn-kentañ miz Here 1918. Kroget e voe ar vered gant unanadoù stourm ha gant klañvdioù-brezel e miz Ebrel 1918 ; implijet e voe e miz Here 1918 adarre. 55 bez a voe enni, met brasaet e voe goude an arsav-brezel eus an 11 a viz Du 1918 gant bezioù degaset eus tachennoù-emgann Steenwerck, Niepkerke hag Armentières. 116 anezhe a zeu eus bered alaman Steenwerck. Daou soudard ag ar 1st Bn. King's Own (Royal Lancaster) Regiment, fuzuilhet e miz Ebrel 1915 evit bout bet dizertet, a zo douaret er vered.

Bered ar C'hommonwealth: Trois Arbres Cemetery

Bro	Niver a soudarded
Afrika ar Su	1
Aostralia	470
Indez	1
Kanada	22
Rouantelezh-Unanet	997
Zeland-Nevez	213
Hollad	1 704

Ur vered ag ar Brezel bed kentañ eo. Digoret e voe ar vered gant an ospital-tachenn aostralian 2nd Australian Casualty Clearing Station e miz Gouere 1916. Implijet e voe betek penn-kentañ miz Ebrel 1918. D’an 11 a viz Ebrel 1918 e voe kemeret Trois Arbres gant al Lu alaman. Chom a reas gantañ betek penn-kentañ miz Here 1918. Implijet e voe ar vered adarre goude kiladenn an Alamaned. Goude arsav-brezel an 11 a viz Du 1918 e voe degaset bezioù eus tachennoù-emgann Steenwerck, Niepkerke, Belle ha Nieuwkerke. Pevar soudard, unan ag ar 2nd Bn. King's Own (Royal Lancaster) Regiment, unan ag ar 1/4th Bn. The Black Watch, unan ag ar 14th Bn. Canadian Expeditionary Force hag unan ag ar 1st Bn. Canterbury Regiment (New Zealand), fuzuilhet evit bout bet dizertet, a zo douaret er vered.

Emdroadur ar boblañs 1793-2007