Skol-Veur Naoned
Skol-veur koshañ ha brasañ Breizh eo Skol-Veur Naoned. 33,000 studier a zo enni.
Istor
[kemmañ | kemmañ ar vammenn]Diazezet e voe gant ar c'hannader Beltram Milon gant mennozh an Dug Frañsez II. Ar Pab Pi II a roas e asant dre vuilh pabel d'ar 4 a viz Ebrel 1460 e Siena.
Koulskoude e voe bet tremenet un hanter-kant bloaz bennak araok dont a-benn. Ur bern eus tud desket Lez Duked Breizh a oa bet e skolioù-meur en estrenvro (Añje ha Pariz dreist-holl). Mennet e oa an Duked eta da grouiñ ur skol-veur er vro evit stummañ ar frammerien ha kadarnaat o galloud. Koulskoude en doa nac'het ar Pab teir gwech diazezañ ur gevrenn doueoniezh en e vuilhoù e 1414, 1419 ha 1440 ablamour o doa anavezet an Duged pibien Avignon e-pad ar Sism bras.
Kevrennoù ar skol-veur nevez a oa an arzoù, ar gwir broiz ha Kanon an Iliz, ar medisinerezh hag an doueoniezh.
Pa voe staget Breizh ouzh Bro-C'hall er XVIvet kantved e cheñchas an traoù evit ar skol-veur. Dleout a rae hiviziken kevezañ ouzh Skol-Veur Añje diazezet e 1306, pe Roazhon hag a zegemer bremañ Parlamant Breizh. Treuzlatet e voe zoken kevrenn ar gwir da Roazhon gant Roue Bro-C'hall e 1735. Skol-Veur Naoned hag an holl skolioù-meur e Frañs a voe serret dre dekred ar Convention Nationale e miz Eost 1793.
Napoléon Bonaparte a ziazezas ur skol vedisinerezh e 1808. Un nebeud skolioù a voe krouet dre intrudu prevez e-pad an XIXvet kantved.
Naoned a zeu da vezañ kreizenn ur "rannvro" nevez d'an 29 a viz Kerzu 1961 : Akademiezh Naoned, gant Bro-Naoned ha departamantoù Maine-et-Loire, Mayenne, Vendée ha Sarthe (e-barzh Skol-Veur Caen betek aze), da lâret eo an tiriad hag a teuio da vezañ Broioù-al-Liger ar bloavezhioù 1970. Lodenn all Breizh a zo lakaet en ur akademiezh nevez anvet "Akademiezh Roazhon". Teir c'hevrenn nevez a annez war ribloù an Erzh : skiantoù, lizhiri ha gwir, ha diwezatoc'h tachennoù all evel ar sosiologiezh. Skol-Veur Naoned zo diazezet en-dro da vat e 1970, tost da dri c'hantved war-lerc'h he distrujadur, met disrannet ouzh ar peurrest eus Breizh ha staget ouzh kornog Bro-C'hall ar wech-mañ.
Roll he frezidanted
[kemmañ | kemmañ ar vammenn]- Jean-Pierre Kerneïs (medisinerezh) 1971 - 1975
- Loïc Sparfel (apotikerezh) 1975 - 1979
- Jacques Vilaines (skiantoù) 1979 - 1984
- Paul Malvy (merour da c'hortoz, medisinerezh) 1985 - 1988
- Serge Renaudin (skiantoù) 1988 - 1993
- Jacques-Henri Jayez (teknologiezh) 1993 - 1997
- Yann Tanguy (gwir) 1997 - 2002
- François Resche (medisinerezh) 2002-2007
- Yves Lecointe (teknologiezh) 2007
Ar Skol-Veur bremañ
[kemmañ | kemmañ ar vammenn]Ur skol-veur publik eo, Yves Lecointe he frezidant abaoe Meurzh 2007. E Akademiezh Naoned emañ hiziv, hag a glok gant ar rannvro velestradurel Broioù-al-Liger. Tuta a ra 3 000 den en holl.
Kalz sindikachoù studierien hag obererezhioù sevenadurel zo bodet enni.
Setu roll ar c'hevrennoù ha skolioù :
- Kevrenn ar Gwir hag ar Skiantoù Armerzhel ha Merañ
- Kevrenn ar Vedisinerezh
- Kevrenn ar Skiantoù
- Kevrenn ar Yezhoù
- Kevrenn al Lizhiri ha Skiantoù an Den
- Ensavadur Skol-veur A Deknologiezh (ESAD)
- Skol Liesteknik Naoned
Darvoudoù
[kemmañ | kemmañ ar vammenn]Michel Mayor, ur steredoniour suis, a gemenn d'ar 16 a viz Mezheven 2008 e Skol-Veur Naoned ez eus bet dizoloet evit ar wech kentañ teir ezplanedenn gant an hevelep tolz hag an Douar.
Levrioù diwar he fenn
[kemmañ | kemmañ ar vammenn]- Histoire de l'Université de Nantes 1460-1993, oberenn a-stroll dindan renerezh Gérard Emptoz, Presses Universitaires de Rennes (2001), 364 p. meur a gartenn, grafikoù ha skeudennoù.
- "Histoire ancienne de notre université", Pocquet du Haut-Jusse, Annales de Bretagne, 55, 1948, p. 156-182.
- L'enseignement à Nantes au XVIIIème siècle gant Frédérique Pitou, mestroniezh Istor, Skol-Veur Naoned, renerezh Y. Durand, 1975.
- Villes et institutions scientifiques gant Anne-Claire Dere ha Gérard Emptoz. Rapport final, Programme Interdisciplinaire de Recherche Sur les Villes (PIR-VILLES-CNRS), 1996, p. 47-57, 138-144, 172-178, 256-264
- Histoire de l'enseignement supérieur à Nantes de 1920 à 1961 gant Jean-Luc Legrand, mestroniezh Istor, renerezh M. Nouailhat, 1990, 230 p. + stagadennoù.
- L'université de Nantes et les événements de mai 1968 gant Alain Le Bloas, mestroniezh, renerezh M. Nouailhat, 1987, 134 p.
- L'université de Nantes de 1969 à nos jours gant Hubert Yrigoyen, mestroniezh, renerezh M. Nouailhat, 1998, 124 p.
Ur romant istorel gant ar roazhonez Evelyne Brisou-Pellen, Le Fantôme de Maître Guillemin (Gallimard Folio junior) a zegouezh e Skol-Veur Naoned e 1481.