SS Freies Indien Legion

Eus Wikipedia
Sauter à la navigation Sauter à la recherche

SS Freies Indien Legion
SS Freies Indien Legion
Baniell al lejion Freies indien hag hini an Azad Hind
Padelezh 1942 Mae 1945
Bro Flag of Azad Hind.svg India dieub
Sujidigezh Flag of Germany (1935–1945).svgTrede Reich
Skourr Balkenkreuz.svg Wehrmacht 1942-1944

Flag of the Schutzstaffel.svg Waffen-SS 1944-1945

Anvioù all "Tiger Legion"

"Azad Hind Fauj"

Infanterie-Regiment 950 (indisches)

Indische Freiwilligen Legion der Waffen-SS
Panzergrenadier Regiment 950 (indische)

Izili 2600 d'an uhelañ
Doare Troadegiezh
Brezel Eil Brezel-bed
Pennoù Subhas Chandra Bose Krouer

SS-Oberführer Heinz Bertling


An SS Freies Indien Legion pe lejion emouestlidi India er Waffen-SS (alamaneg: Indische Freiwilligen Legion der Waffen-SS) a oa un unvez savet e-pad an Eil Brezel-bed gant an Trede Reich enni emouestlidi a orin India nemetken, anezho prizonidi vrezel eus an Trede Reich.

Pal an unvez-se a oa da vezañ implijet evit broudañ dieubidigezh India a-enep impalaeriezh bro Saoz ha da ledanaat tachenn emgann an Eil Brezel-bed war zu India.

Enaouer an unvez a oa ar broadelour indian Subhas Chandra Bose hag a felle dezhañ dre mod pe vod dieubiñ e vro.

Istor an SS Freies Indien Legion[kemmañ | kemmañ ar vammenn]

Krouidigezh an unvez a zo bet ur c'hemmesk etre selloù ar vroadelourien indian en o penn Subhas Chandra Bose ha pennoù ren an Trede Reich. Evit ar re gentañ e oa ar pal dieubiñ Indi ha stourm a-enep ar Rouantelezh-Unanet. Evit an Alamaned e oa da gaout ul lu ramzel o tont eus ar vro-se hag enep Saoz met ouzhpenn da blantañ reuz en trevadennoù Saoz ha d'ar wellañ kaout un talbenn ouzhpenn en Eil Brezel-bed.

An taol a oa souezhus met sirius a-walc'h evit ma vefe ankeniet ar Rouantelezh-Unanet.

Ar pal pennañ a oa bet roet d'an unvez a oa da vont da vezañ ul lu ramzel. Al lu evit dieubidigezh India a vefe bet o stourm skoz-ha-skoaz gant lu an Trede Reich evit dieubiñ India ha krouiñ ur vro a-du da genderc'hel ar brezel gant an Alamaned. An oberiadur-brezel Bajadere a vezo an hini nemeti a vefe tost eus ar pal gwirion en istor an unvez-se. Ur 100 bennak a soudarded a zo bet harzlammet e reter Iran a-benn seveniñ gwalldaolioù ha plantañ reuz bras eno. Kaset e vezo da benn an oberiadur ha sevenet e vezo reuz met da geñver ar pal pennañ hag an Eil Brezel-bed e vezo dister an efedoù.

Poltriji[kemmañ | kemmañ ar vammenn]

Pennadoù kar[kemmañ | kemmañ ar vammenn]

Levrlennadurezh[kemmañ | kemmañ ar vammenn]

  • Indische Freiwilligen Legion der Waffen SS. La Legione SS Indiana di Subhas Chandra Bose, gant Massimiliano Afiero, Embannadur Marvia (112 pajenn), dastumadenn 1939-1945, 2007 (ISBN 8889089164)
  • For Free India: Indian Soldiers in Germany and Italy During the Second World War, gant Martin Bamber, Embannadur Oskam-Neeven Publishers, 2010 (ISBN 9460190162)
  • Sign of the Tiger: Subhas Chandra Bose and his Indian Legion in Germany, 1941-45, gant Rudolf Hartog, Embannadur Rupa & Co, 31 a viz Kerzu 2002 (ISBN 8171675476)
  • The East Came West: Muslim, Hindu & Buddhist Volunteers in the German Armed Forces, 1941-1945, gant Antonio J. Munoz, Embannadur Axis Europa Books (330 pajenn), 30 a viz Genver 2002 (ISBN 1891227394)
  • Wehrmacht and SS: Caucasian, Muslim, Asian Troops, gant J. Borsarello, Embannadur Heimdal; Bilingual edition (176 pajenn), 20 a viz Eost 2007 (ISBN 2840482193)

Liammoù Diavaez[kemmañ | kemmañ ar vammenn]