Romaine Brooks
Romaine Brooks, pe Beatrice Romaine Goddard, ganet e Roma e 1874 ha marvet e Nisa e 1970, a oa ul livourez stadunanat, brudet evel serc'h ar skrivagnerez Natalie Clifford Barney.
Anavezet eo he foltredoù maouezed gwisket e tog, evel hec'h emboltred e 1923. Peder zaolenn ganti a weler e Mirdi Sainte-Croix e Poitiers, e Bro-C'hall.
He buhez[kemmañ | kemmañ ar vammenn]
Pinvidik e oa he zud, hag arc'hant he doe digante a-hed o buhez. Ganet e oa e Roma met distreiñ a reas an tiegezh da SUA prestik goude. Pa voe seizh vloaz e voe roet da sevel d'un tiegezh paour.
En 1893 ez eas da Bariz ha kanañ a rae eno er c'habaredoù. Goude ez eas da Roma ha da Enez Capri da studiañ al liverezh. En 1901 e tistroas da di he mamm a oa gwall glañv. Pa varvas e teuas dezhi arc'hant bras he zad-kozh.
Entre 1903 ha 1904 e voe Romaine Brooks dimezet da John Ellington Brooks, ur pianoour.
He c'harantezioù[kemmañ | kemmañ ar vammenn]
Meur a serc'h he doe e-touez an arzourien a bep seurt, gant Dolly Wilde, nizez da Oscar Wilde, an dañserez Ida Rubinstein pe ar skrivagner ha politikour faskour Gabriele D'Annunzio. Met karantez vras he buhez e oa ar skrivagnerez lesbian Natalie Clifford Barney, a zarempredas adal 1915 e-pad 50 vloaz.
He liverezh[kemmañ | kemmañ ar vammenn]
Poltrederez e oa dreist-holl, hag al liv louet hag ar re all tost-kar a implije kenañ adalek 1904.
Oberennoù[kemmañ | kemmañ ar vammenn]
- The Black Cap, 1907
- Portrait de la Contesse Anna de Noailles, 1908
- Weiße Azaleen, 1910
- Das Kreuz Frankreichs, 1914
- L'Amazone, 1915
- Renata Borgatti am Klavier, 1920
- Emboltred , 1923
- Peter, ein junges englisches Mädchen, 1923-1924, ein Porträt des Künstlers Gluck
- The Impeders, 1930
Dek oberenn ganti a weler er pennad saoznek en:Romaine Brooks ha n'haller ket gwelout amañ en abeg d'ar gwirioù miret.
Levrlennadur[kemmañ | kemmañ ar vammenn]
- Françoise Werner, Romaine Brooks, Paris, Plon, 1990.
- Diana Souhami, Wild Girls: Paris, Sappho, And Art, the Lives And Loves of Natalie Barney And Romaine Brooks, St Martin’s Griffin, 2007.
- Andrea Weiss und Susanne Goerdt: Paris war eine Frau, Rowohlt Verlag (2006) ISBN 3-499-24224-9