Republik Ligur

Eus Wikipedia
Mont d’ar merdeerezh Mont d’ar c’hlask
Banniel ar Republik Ligur
Ledenez Italia e 1799

Ar Republik Ligur pe Republik Liguria a voe embannet er vro a zo en-dro da Genova, dindan levezon ar C'hallaoued, d'ar 14 a viz Mezheven 1797 ha padout a reas betek miz Mezheven 1805, war-bouez ur pennadig amzer e 1800 pa voe aloubet gant armeoù Aostria.
Genova e oa ar gêr-benn. Diazezet e oa bet ar republik c'hoar-se war douaroù Republik Genova.

D'ar 6 a viz Mezheven 1805 e voe unanet ar Republik Ligur ouzh an Impalaeriezh c'hall kentañ, ha rannet e voe e tri departamant : Apennins, Montenotte ha Gênes, nemet staget e voe tolead Sanremo ouzh an Alpes-Maritimes.

Adembannet e voe ar Republik Ligur e miz Ebrel 1814, ha padout a reas betek miz Kerzu er bloaz-se. Goude-se e voe staget ouzh Rouantelezh Sardigna.

Banniel[kemmañ | kemmañ ar vammenn]

Banniel kozh Genova a voe implijet gant ar Republik Ligur, ur banniel gwenn gant ur groaz ruz (kroaz sant Jord) er c'hreiz, evel banniel Bro-Saoz.