Regezer

Iskevrennad eus	cooking appliance
Implij	grilling, barbecue
Item operated	Ber, grilh
Source of energy	solid fuel, flammable gas, electrical energy
A implij	hot

Ar regezer zo ur benveg poazhañ, implijet en diavaez an aliesañ. Poazhet e vez ar boued gant ur c'hrilh lakaet a-us regez koad pe c'hlaou koad lakaet er regezer. A bep seurt boued a c'haller poazhañ : pesked, legumaj, ha kig dreist-holl. Grilhet e vez ar peurliesañ, an doare buanañ d'e boazhañ, met pellaet e c'hall bezañ eus ar vammenn dommder evit e vogediñ pe e rostañ.

Graet e vez gant ar regezer pa vez tud kouviet er gêr pe d'ur fest bennak, pe pa vezer o kampiñ. Gallout a reer bezañ ar regezer en ul liorzh, en ur park, en natur, en dachenn-gampiñ, hag all.

D'e enaouiñ a c'haller ober gant paper pe ur produ entaner liñvel, e brikennigoù, e gel pe e toaz.

Boued regezet an aliesañ

Beriadoù : tammoù kig pe besked ha/pe legumaj piket gant ur berig,
Silzigoù a bep seurt : chipolata, mergez, chorizo...
Kig a bep seurt : kig bevin (kostezennoù, etrekostennoù, stekoù, ledspilhennoù, rumsteckoù), kostezennoù ha morzhed oan, kostezennoù moc'h, kig yar...
Pesked parfet o c'hig, da skouer sardin, brezhell...
Kresteneged zo : grilh-mor, legestr, chevr...
Gwadegennoù,
Legumaj pe traoù a denn dezho : patatez, berjinez, tomatez, skilbebr, kebell-touseg...
Keuz zo : camembert, munster...
Marshmallow

Spisoù, hiliennoù hag eoulioù a bep seurt a c'hall bezañ lakaet ouzhpenn.

Ar regezer er bed

Ar regezer zo ur benveg ordin en un niver bras a vroioù er bed, da skouer :

e Roumania e vez debret mititei grilhet war ar gratar,
en Iran ha broioù bet en Unvaniezh Soviedel e tebrer beradigoù kig anvet chachlik,
e Suafrika eo boas an dud d'en em vodañ dro-tro d'ar braai evit grilhañ kig ha silzig dreist-holl,
en Amerika a-bezh, anvet ar barbecue (pe BBQ) e saozneg, hag e kastilhaneg ar churrasco, an asado...
en Azia : Indonezia, Sina, ar broioù arab...
en Aostralia eo ur "sport broadel".

Regezer fardet gant mein hag ur c'hrilh.
Regezer dre aezhenn.
Regezer grilh boas.
Regezer e maen.
Regezer unarver.

Gwelet ivez