Proviñsoù Iwerzhon
| Provinces of Ireland Cúigí na hÉireann; Provinces of Ireland | |
| Lec'hiadur | |
| |
| Stadegoù | |
| Gorread: | 84 421 km² |
|---|---|
| Poblañs (2011): | 6 241700 |
Iwerzhon a oa rannet, ent-istorel, e pevar froviñs (pe "peder froviñs") pe rannvro (cúige en iwerzhoneg, ha province e saozneg): Connachta (saozneg: Connacht), Laighin (Leinster), An Mhumhain (Munster) hag Ulaidh (Ulster). Ar ger iwerzhonek evit ar rannañ-se eo cúige, ar pezh a dalvez "pempvedenn", ar pezh a ziskouez e oant pemp da gentañ: ar pempet hini, Rouantelezh Midhe, a oa bet lakaet e Laighin, gant tammoù staget ouzh Ulaidh. N'eus talvoudegezh melestradurel ebet gant ar proviñsoù bremañ, met un dalvoudegezh istorel ha sevenadurel vras o deus, ha politikel ivez el lavar a-wechoù: lavaret e vez da skouer "ar pevar froviñs" evit ober anv eus Iwerzhon a-bezh, koulz ar Republik ha Norzhiwerzhon a zo e dalc'h ar Rouantelezh-Unanet. Un dalvoudegezh o deus e bed ar sport ivez: e rugby da skouer, ez eus pep a skipailh gant ar proviñsoù.
Ar pevar froviñs[kemmañ | kemmañ ar vammenn]
| Proviñs | Banniel | Anv saoznek | Poblañs (2011) | Gorread (km²) | Stankter | Niver a gontelezhioù* |
Pennlec'h |
|---|---|---|---|---|---|---|---|
| Laighin Cúige Laighean |
|
Leinster | 2,504,814 | 19,800 | 126.5 | 12 | Dulenn |
| Ulaidh Cúige Uladh |
|
Ulster | 2,106,296 | 21,882 | 96.3 | 9 | Béal Feirste |
| An Mhumhain Cúige Mumhan |
|
Munster | 1,246,088 | 24,675 | 50.5 | 6 | Corgaigh |
| Connachta Cúige Chonnacht |
|
Connacht | 542,547 | 17,788 | 30.5 | 5 | Gaillimh |
| Notenn 1: * "Niver a gontelezhioù": kaoz a zo eus kontelezhioù hengounel amañ ha neket kontelezhioù melestradurel. | |||||||