Prezidant

Prezidant

karg, kefridiezh publik

Iskevrennad eus	politiker, penn Stad, rener
Organization directed by the office or position	Stad
Renk dres dindan	besprezidant
Raklec'hiet gant	president-elect
Studiet gant	presidential studies

 

 From Wikidata

Ur prezidant (pe ur brezidantez) zo un den lakaet e penn ur bodad pe ur vro, dre anvadur, dre zilennadur pe dre gevezholadur.
Kadoriad(ez) a vez graet ivez eus penn ur bodad, diwar ar ger cadeirydd, e kembraeg.

Gerdarzh

Eus ar galleg président^{(Daveoù a vank)}, a zeuas e 1296 eus al latin proesidens diwar proesidere, ur ger savet diwar proe "a-raok", "dirak" ha sedere "azezañ" E 1617 e voe ar stumm benel gallek, présidente.
Ar verb présider zo e galleg, a zo pennren e brezhoneg.

Pelec'h e vez lakaet ur prezidant?

E penn meur a dra e vez kavet ur prezidant :

• ur Stad, a c'hall bezañ ur republik demokratel pe get ;
• kuzul ministred ur Stad, "prezidant(ez) ar c'huzul" a lavarer neuze ;
• ur strollad politikel, "pennsekretour(ez)" eo an titl a-wechoù ;
• kevredigezhioù, kluboù a bep seurt (sportoù hag all).

Broioù ma'z eus prezidanted

Dre vras e vez prezidanted en holl vroioù ma n'eus ket a roue pe a briñs e penn ar vro, met doareoù disheñvel a vez d'o envel

Europa

Prezidanted pe brezidantezed zo er broioù-mañ :

• Alamagn : prezidant kevreadel (betek 1918 e oa un impalaer, ha rouaned dindanañ)
• Albania : prezidant ar Republik (abaoe 1991)
• Aostria : prezidant kevreadel
• Belarus : prezidant ar Republik
• Bosnia-ha-Herzegovina : prezidentelezh ar vro zo un triumvirelezh ; tri frezidant a zo eta. E penn ar skolaj prezidantel emaint a-bep-eil pep 8 miz.
• Bulgaria : prezidant ar Republik (abaoe 1991)
• Bro-C'hall : Prezidant ar Republik C'hall (abaoe 1958, prezidant ar C'huzul a-raok ; diskaret e voe ar roue diwezhañ e 1848, hag an impalaer diwezhañ e 1870)
• Estonia : prezidant ar Republik
• Finland : prezidant ar Republik (abaoe 1919)
• Gres : prezidant ar Republik hellen (ur roue zo bet)
• Hungaria : prezidant ar Republik
• Island : prezidant (abaoe 1944)
• Italia : prezidant ar Republik (ur roue a oa betek 1944)
• Iwerzhon : prezidant ar Republik (er Rouantelezh-Unanet e oa betek he Dieubidigezh)
• Kroatia : prezidant ar Republik
• Latvia : prezidant ar Republik
• Lituania : prezidant ar Republik
• Makedonia an Norzh : prezidant ar Republik
• Moldavia : prezidant ar Republik
• Montenegro : prezidant
• Polonia : prezidant ar Republik (ur roue a oa a-raok ma voe rannet ar vro etre ar stadoù amezek)
• Portugal : prezidant ar Republik (ur roue a oa betek deroù an XXvet kantved)
• Roumania : prezidant
• Rusia : Prezidant Kevread Rusia
• Serbia : prezidant ar Republik
• Slovakia : prezidant ar Republik
• Slovenia : prezidant ar Republik
• Suis : prezidant ar C'hengevread suis
• Tchekia : prezidant ar Republik
• Ukraina : prezidant

Rouaned pe briñsed zo er broioù-mañ :

• Andorra : daou genbriñs zo (eskob Urgell ha Prezidant ar Republik C'hall)
• Belgia : roue
• Danmark : roue
• Izelvroioù : roue
• Liechtenstein : priñs
• Luksembourg : dug-meur
• Monako : priñs
• Norge : roue
• Spagn : roue (prezidanted zo bet en amzer ar Republikoù)
• Sveden : roue
• Rouantelezh-Unanet : roue (pe rouanez), a ren ivez war broioù all, evel Aostralia ha Kanada)
• San Marino : "Kabiten rejant" eo titl penn Stad Republik San Marino
• Vatikan : ar pab a vez graet eus penn ar stad

Afrika

Ur prezidant a zo e tost holl stadoù Afrika, n'eus nemet teir monarkiezh : e Maroko, Lesotho hag Eswatini.

Amerika

E penn an holl Stadoù ez eus ur prezidant, nemet e Kanada, stadoù enezat eus an Antilhez ha Belize (roue ar Rouantelezh-Unanet).
Gwelet : prezidant Stadoù-Unanet Amerika.

Azia

• Ur prezidant zo el lodenn vrasañ eus ar Stadoù, evel Iran, Israel, Sri Lanka, Republik Pobl Sina, India, Singapour, Indonezia...
• Ur roue zo e Thailand, Kambodia (monarkiezh adsavet e 1993), Boutan hag Arabia Saoudat ; un impalaer e Japan.
• Un emir zo e Katar ha Koweit, ur sultan e Oman. Ur prezidant a zo e penn an Emirelezhioù Arab Unanet, met eo atav de facto emir Abou Dhabi.
• Ar Penn Stad e Norzhkorea a zoug an titloù a "Prezidant Kengor Aferioù ar Stad eus Republik Poblel ha Demokratel Korea" ("President of the State Affairs Commission of the Democratic People's Republic of Korea" e saozneg) " hag a "Levier Meur" ("Supreme Leader" e saozneg).

Okeania

Ur prezidant zo e Republik Kiribati, Republik an Inizi Marshall, Stadoù Kevreet Mikronezia, Republik Nauru, Republik Palau, Republik Fidji ha Republik Vanuatu.

Prezidantelezhioù aet da get

• prezidant Republik kevreat sokialour Yougoslavia
• prezidant Republik kevreadel Yougoslavia, ha goude prezidant Serbia-ha-Montenegro
• prezidant Tchekoslovakia

Traoù all

Ur prezidant pe kadoriad a c'hall bezañ e penn ur c'hlub, ur gevredigezh, un embregerezh (komz a reer a-wechoù eus ar prezidant pennrener pe PPR), ur sindikad, ur skol-veur (anvioù all a zo hervez ar broioù : kañseller, rektor...), , un aozadur pe ur strollad bennak.

E Bro-C'hall, er c'hontrol d'ar pezh a greder n'eo ket ret kaout ur prezidant e penn ur gevredigezh, zoken ma z'eus unan alies. N'eo ket resisaet gant lezenn 1901 petra eo kefridi ha galloudoù prezidant ur gevredigezh. Ar statudoù eo ar re a zle ober kement-se.