Pelec'h ez ez 'ta, Tonton Laou
« Pelec'h ez ez 'ta, Tonton Laou » zo ur ganaouenn vrezhonek war un ton dañs-tro.
Orin[kemmañ | kemmañ ar vammenn]
Dastumet eo bet gant Cheun ar C'hann, ur c'henderv da Wennole ar Menn hervez an akordeoñser Bernard Lasbleiz[1].
E 1950 e voe embannet gant Emgleo Breiz el levrig Digor an abadenn, hag adembannet e 1985[2].
E gwivan Per Kentel eo lakaet niverenn 505[3], ha kinniget an ton evel eus kornad Rostrenenn.
Komzoù[kemmañ | kemmañ ar vammenn]
- Pelec'h ez ez 'ta, Tonton Laou
- Gant da gozh kazeg rouan ?
- - Kerzout a ran 'trezek foar Faou
- 'Vit he gwerzhañ, ma c'hellan
- - Kamm eo da gazeg paour
- Diaes e vo he gwerzhañ !
- 'Viti, e-lec'h kaout arc'hant
- Kemer va buoc'h gwellañ
- Pelec'h ez ez 'ta, Tonton Laou
- Da gas da vuoc'h dialan ?
- - Kerzout a ran 'trezek foar Faou
- 'Vit he gwerzhañ, ma c'hellan
- - Me 'gred ez eo klañv-bras
- Ne gavo ket prener !
- 'Vit da relegoù kras
- 'Po va femoc'h tener
- Pelec'h ez ez 'ta, Tonton Laou
- Gant ur pemoc'h 'vel hemañ ?
- - Kerzout a ran 'trezek foar Faou
- 'Vit e werzhañ, ma c'hellan
- - Treut eo da bemoc'h kaezh
- Dalvez ket daou wenneg
- 'Vit va gavr mat d'al laezh
- Trok an aotrou reunek
- Pelec'h ez ez 'ta, Tonton Laou
- Gant Begekig, ker buan ?
- - Kerzout a ran 'trezek foar Faou
- 'Vit he gwerzhañ, ma c'hellan
- - Da c'havrig zo biskorn
- Hag he zezh zo dister
- Dao amañ, sko em dorn :
- Da c'havr 'vit va mezher
- Ar mezher oa kozh ha roget
- Penaos gwerzhañ seurt pilhoù ?
- Met p'edo 'vont d'e daol er mor
- E tigoras e c'henoù :
- - Petra oa en e douez ?
- Daouzek mil pemp kant lur !
- Biskoazh pebezh souezh
- Ha brasañ plijadur !
- Echu ar foar gant Tonton Laou
- Ha distro da Gêrgongar
- "Penaos eo tremenet an traoù ?
- - Mat-tre, n'az pez ket glac'har
- Gwerzhet eo ar gazeg,
- Setu ur pezh yalc'had :
- Gouest eo ur genaoueg
- D'ober meur a daol mat"
Yezh[kemmañ | kemmañ ar vammenn]
Er c'homzoù e kaver:
- Pelec'h ez ez ...
- Gouest eo ur genaoueg ....