Paul Ladmirault

den
Reizh pe jener	paotr
Bro ar geodedouriezh	Frañs
Anv e yezh-vamm an den	Paul Ladmirault
Anv-bihan	Paul-Émile
Anv-familh	Ladmirault
Deiziad ganedigezh	8 Kzu 1877
Lec'h ganedigezh	Naoned
Deiziad ar marv	30 Her 1944
Lec'h ar marv	Kamoel
Yezhoù komzet pe skrivet	galleg
Micher	sonaozour, choreographer, penn laz-seniñ, musicologist
Bet war ar studi e	lycée Georges-Clemenceau, Conservatoire de Paris
Bet studier da	Gabriel Fauré, Antoine Taudou, André Gedalge
Strollad politikel	Strollad Broadel Breizh (1931-1944)
Luskad	Unvaniez ar Seiz Breur
Ezel eus	Kelc'h keltiek Naoned
Tachenn	C'hoarigan, sonerezh klasel
Rummad tost	Category:Compositions by Paul Ladmirault

Paol Ladmirault (pe Paul Ladmirault e galleg) zo anezhañ ur sonaozer breizhat, ganet e Naoned d'an 8 a viz Kerzu 1877, ha marvet d'an 30 a viz Here 1944 e Kamoel (Mor-Bihan), war-lez ar stêr Gwilun.

Buhezskrid

Ganet eo bet Paul Ladmirault e Naoned d'ar 10 a viz Kerzu 1877. Skrivañ a reas e oberennoù kentañ pa oa 8 vloaz hepken. Seniñ a rae ar piano, an orglez hag ar violoñs. Ur bugel marzh a oa anezhañ. E opera kentañ "Jili Raez" a oa bet c'hoariet pa oa 16 vloaz. Mont a ra e-barzh klas sonerezh Gabriel Fauré, ha klaviazañ en deus graet darn eus oberennoù e vestr. Anavezet eo Ladmirault ivez evel emsaver breton, ezel e oa bet e Strollad Broadel Breizh. Stourm a reas evit emrenerezh sevenadurel Breizh. Unan eus sonaozourien gentañ ar bodad arzel Seizh Breur e oa. D’e heul e emezelas buan Georges Arnoux ha diwezhatoc'hik Paol ar Flemm. Deskiñ a reas brezhoneg ha kembraeg ha treiñ a reas "Barddas", levr ar Varzhed. Marvel a reas en e di e Kamoel (Bro-Naoned) d'an 30 a viz Here 1944.

Katolik don, ne skrivas nemet ur pezh sonerezh sakr "Oferenn verr", 60 vloaz e oa pa skrivas anezhi evit e vab Daniel pa yeas da veleg^[1].

Oberenn

Awenet eo oberenn Ladmirault gant mojennoù ar Gelted. Brudet eo evit e varzhonegoù siñfoniek, en o zouez emañ "Breselien diouzh ar mintin" hag "Ar Briwer". Oberennoù all a zo bet savet gantañ diwar-benn Breizh end-eeun pe bed ar Gelted "Heuliad brezhon" e 1903, ha "Rapsodienn ouezel" e 1909, pe sonerezh Tristan hag Izold. N'eo ket bet c'hoariet gwech ebet e eil opera Myrdhin (Marzhin). Pezhioù sonerezh relijiel kaer-kenañ a zo bet savet gantañ ivez.

Oberoù pennañ

Oberoù sonerezh siñfoniek hag operaoù

Heuliad Breizh
Belegez Korydwenn, gourc'horoll
Ar Briwer, barzhoneg siñfoniek
Er c'hoad, barzhoneg siñfoniek
Valsenn drist evit piano ha laz-seniñ
Bresilien diouzh ar mintin, barzhoneg siñfoniek
Dimeziñ evit laz-seniñ ha piano
Yaouankiz Cervantès evit laz-seniñ
Sinfonienn en Ut
Heuliad Breizh 1903
Rapsodienn ouezel 1909
Tristan hag Izold, sonerezh leurenn 1929

Oberoù sonerezh kambr

Argemm war tonioù binioù evit piano pevar dorn
Marc'hekadenn, faltazienn war "reeloù" skos, triad evit violoñs, gaolvioloñs ha piano
Tenergan evit pevarad-kerdin
Triad "ar Stêr" evit violoñs, gaolvioloñs ha piano
Faltazienn evit violoñs ha piano 1899
Kanaouennoù ar mor evit usvoud ha piano 1906
Sonatenn evit violoñs ha piano 1931
Pempad-kerdin 1933
Pevarad-kerdin 1933
Eus an Disheol d’ar Sklêrijenn evit violoñs ha piano 1935
Koral hag argemm evit piano ha pempad-c'hwezh 1936
Sonatenn evit gaolvioloñs ha piano 1939
Sonatenn evit klerinell ha piano 1942