Strollad Broadel Skos
| Deiziad krouiñ | 7 Ebr 1934  |
|---|---|
| Anv berr | SNP |
| Prezidant | John Swinney |
| Stad | Rouantelezh-Unanet |
| Ezel eus | Emglev Libr Europa |
| Luskad politikel | kleiz-kreiz |
| Ideologiezh politikel | Scottish independence, sokial-demokratelezh, Scottish nationalism, pro-Europeanism |
| Lec'h diazez | Dinedin |
| Isaozadur | Young Scots for Independence |
| Sez sokial | Dinedin |
| Erlec'hiañ a ra | National Party of Scotland, Scottish Party |
| SRGB color hex triplet | FFF95D |
| Lec'hienn ofisiel | https://www.snp.org/ |
| Rummad evit an izili | Category:Scottish National Party politicians |
Ar Scottish National Party (SNP ; gouezeleg Skos : Pàrtaidh Nàiseanta na h-Alba, "Strollad Broadel Bro-Skos") zo ur strollad politikel eus an tu-kleiz a glask gounit frankiz Bro-Skos. An eil strollad pouezusañ er vro eo, pe a-wechoù an hini kreñvañ hervez ar mouezhiadegoù.
Liammet-start eo ouzh Plaid Cymru e Kembre, ha kenlabourat a ra o c'hannaded e Parlamant ar Rouantelezh-Unanet (House of Commons). Un ezel eus Emglev Libr Europa eo.
Istor
[kemmañ | kemmañ ar vammenn]Krouet e voe an SNP e 1934 dre unvaniezh an National Party of Scotland hag ar Scottish Party. E gador gentañ e palez Westminster a c'hounezas e 1945 met nac'hañ a reas Robert McIntyre (1913-1998), rener ar strollad, mont d'ar parlamant breizhveuriat ha koll a reas an SNP e sez tri miz diwezhatoc'h.
Ur gador nevez a c'hounezas e [[1967}} pa voe dilennet Winnie Ewing (1929-2023) da gannadez e pastell-vro Hamaltan (Kuzul Siorrachd Lannraig a Deas). Dre-se e kreskas levezon ar strollad : muioc'h a izili, hag ur pouez bras en aozadur ar Royal Commission on the Constitution (alias Kilbrandon Commission) e 1969. E zisoc'hoù gwellañ a c'hounezas e 1974 pa zastumas war-dro 30% eus ar mouezhioù : unnek kannad en doa bet neuze e palez Westminster.
Goude aozadur Parlamant Bro-Skos e 1999 e oa aet ar SNP d'ar strollad-eneberezh pennañ e Bro-Skos. Emañ bremañ o ren ar vro abaoe 2007, pa oa aet ar maout gantañ er vpuezhiadeg evit Parlamant Bro-Skos. E 2011 e voe kreñvaet c'hoazh, pa dapas 69 c'hador diwar 129 e Parlamant Bro-Skos, ha tost d'ur "chelem meur" en deus graet ar strollad da-geñver votadegoù Parlamant ar Rouantelezh-Unanet e miz Mae 2015 gant 56 kador diwar 59.
D'ar 6 a viz Mae 2021 e voe trec'h an SNP en dilennadeg e Parlamant Bro-Skos.
- Hiziv (Ebrel 2024) ez eus 43 dilennad eus an SNP diwar 650 kador e Parlamant ar Rouantelezh-Unanet ; 2 zilennad eus an Alba Party zo, ha 3 eus Plaid Cymru.[1]
Renerion
[kemmañ | kemmañ ar vammenn]
|
|
|
Levrlennadur
[kemmañ | kemmañ ar vammenn]- (en) Mitchell, James ha Hassan, Gerry : Scottish National Party Leaders, Biteback, 2016 (ISBN 9781785900921)
Liammoù diavaez
[kemmañ | kemmañ ar vammenn]- (en) Lec'hienn ofisiel
Notennoù
[kemmañ | kemmañ ar vammenn]- ↑ (en) UK Parliament